Publícase a programación de actividades da aula de informática para este outono

17-10-2019

A aula de informática do Concello vén de publicar a oferta formativa para este outono. En outubro realizarase un obradoiro de manexo de rato e teclado, do 22 ao 28; e un sobre dispositivos de almacenamento portátil, do 30 ao 31. En novembro, do 25 ao 5 de decembro, ofértase un curso de iniciación a internet e do 10 ao 19 de decembro outro de edición de textos (writer). Xa en xaneiro temos un curso de Impress. Presentación de con diapositivas e outro de exercitar a memoria en internet. 


O San Martiño contará cos cantos de taberna da véspera

15-10-2019

O Concello traballa no progama do feira do San Martiño de Francos. Trátase da festa máis antiga e tradicional das que se celebra no Concello, acreditada desde 1557. E como xa se fixo en anos anteriores nesta edición do 2019 increméntase a actividade na véspera do 11 de novembro. Este ano celébrase a II edición dos Cantos de taberna da véspera do San Martiño. 

Os grupos cantareiros interesados en participar pódense inscribir ata o 31 de outubro enviando un correo electrónico a alcaldia@teo.gal. Poderán particpar ata nove grupos con dez integrantes como tope cada un deles. 


O pleno debaterá a conta xeral e un plan económico financeiro

08-10-2019

A corporación teense reúnese este mércores 8 nunha sesión extraordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí




Aínda quedan prazas vacantes en varias escolas culturais municipais

01-10-2019

As escolas culturais municipais comezan un novo curso coincidindo co 1 de outubro. Sen embargo hai varias disciplinas que aínda contan con prazas vacantes. Concretamente programación, precirco, guitarra nivel medio I e II e artes plásticas (consultar horario). Se estás interesado nalgunha destas actividades podes presentar a ficha de inscrición no rexistro do Concello.


O censo electoral pode consultarse entre o 30 de setembro e o 7 de outubro

30-09-2019

Diante da convocatoria das eleccións a Cortes Xerais 2019, que se celebrarán o 10 de novembro, a Oficina do Censo Electoral comunica aos Concellos que o prazo de exposición pública do Censo Electoral será entre os días 30 de setembro e o 7 de outubro. Nese prazo, os interesados poderán achegarse ao Concello a comprobar os seus datos e proceder a facer as reclamacións que foran necesarias.


O pleno setembro vota a adhesión ao Pacto polo clima e a enerxía

24-09-2019

A corporación teense reúnese este mércores 25 na sesión ordinaria do mes de setembro. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí


O Concello remite o seu informe no prazo de avaliación de impacto ambiental do plan de restauración da explotación Casalonga

19-09-2019

O Concello de Teo vén de remitir o informe técnico dentro do procedemento de avaliación ambiental do plan de restauración da concesión de explotación Casalonga II número 6996. A Xunta solicitaba emisión de informe sobre o procedemento de impacto ambiental con data 20 de agosto dando un prazo dun mes para facelo. 

Podes consultar o informe completo premendo aquí