A auga municipal chega a zona sur do Concello

09-07-2018

Despois de moitos meses de exhaustivos controis, a Consellería de Sanidade autorizou por fin a posta en marcha da ampliación da rede de abastecemento que dará servizo a amplas zonas das parroquias de Reis,Teo e Vilariño, e posibilitará unha nova ampliación ata Bamonde. As veciñas e veciños destas parroquias xa poden solicitar no departamento de Augas de Teo, na casa do concello en horario de oficina, que o servizo municipal realice as acometidas para as súas vivendas.


A Xunta admite parte das alegacións do Concello á delimitación de treitos urbanos de solo de núcleo rural proposta

04-07-2018

A Axencia Galega de Infraestruturas publica no DOG do 2 de xullo o anuncio de aprobación definitiva da delimitación de treitos urbanos de solo de núcleo rural en Teo. Consulta aquí o anuncio. A resolución vén a recoñecer parte das alegacións presentadas polo Concello de Teo no seu momento á proposta de delimitación que presentou a Xunta.


O Concello solicita unha entrevista co delegado do Goberno para falar da N-550

29-06-2018

O Concello vén de solicitar unha entrevista institucional co novo Delegado do Goberno en Galicia, Javier Losada. Nesta xuntanza o alcalde, Rafael Sisto, e a concelleira de Urbanismo, Uxía Lemus, queren falar principalmente da realidade da N-550 unha estrada estatal que depende de Fomento e que cruza parte do Concello.


O pleno votará unha proposta para traballar na municipalización das escolas infantís

26-06-2018

A corporación teense reúnese este mércores 27 de xuño nunha sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. A sesión tamén se retransmitirá por streaming a través da web municipal.



O Concello traballa no informe de compatibilidade urbanística sobre o proxecto da planta de residuos na Casalonga

23-06-2018

O Concello traballa intensamente no informe de compatibilidade urbanística sobre o proxecto presentado pola empresa Toysal para instalar unha planta de reciclaxe de residuos na Casalonga. Este informe é "a única actuación que pode realizar o Concello na tramitación administrativa que está facendo a empresa na Xunta para instalar esta planta" indica o alcalde, Rafael Sisto.



Catastro elabora unha nova ponencia de valores que modifica o valor catastral das vivendas

20-06-2018

O Ministerio de Facenda e Función Pública, a través da Xerencia Rexional do Catastro, entregou no Concello a Memoria e planos dunha nova ponencia de valores catastrais que modifica o valor catastral das vivendas. A anterior ponencia era do ano 1993, a máis antiga dos concellos da contorna.


Os Bolechas e o amigo Monte chegan a Teo

20-06-2018

O Concello de Teo, como entidade pertencente á Rede de Dinamización Lingüística, convídate este sábado 23 de xuño, ás 12 h no Auditorio Constante Liste, a unha nova e divertida aventura dos Bolechas, que servirá, ademais de para pasalo ben, para mostrarlles aos máis pequenos a importancia de coidarmos o monte e a maneira de facelo, iniciándoos na prevención dos incendios forestais.