O prazo de inscrición no Diverteo Nadal remata o 22 de novembro

12-11-2018

O Concello publica a convocatoria do Diverteo Nadal que este ano funcionará entre os días 24 de decembro de 2018 e 7 de xaneiro de 2019. Este servizo está dirixido a nenos e nenas de 3 a 12 anos escolarizados con preferencia para os/as empadroados/as en Teo e busca fomentar a conciliación familiar e laboral. O Diverteo realízase nas instalacións dos CEIPs de Calo, Os Tilos e A Ramallosa.


Titiriberia reúne mañá en Francos a Tanxarina, Os Monicreques de Kukas, Títeres Alakrán, Iria Pinheiro e Caxade

09-11-2018

O festival Titiriberia. Olladas sobre os cristovos, organizado pola Asociación Cultural Morreu o Demo para o Concello de Teo e coa colaboración da Deputación da Coruña, estrea mañá sábado ás 21.30 horas As varietés do Barriga verde, montaxe de produción propia que pretende reproducir, cunha óptica actual, os espectáculos que a familia Silvent realizaba na súa barraca de xeito previo á representación da obra de Barriga Verde.


O San Martiño contará cun espazo para a artesanía e a enogastronomía

09-11-2018

O Concello organiza varias actividades durante a feira do San Martiño na carpa municipal, ubicada detrás da zona da capela. A carpa estará adicada á  exposición de artesanía e á degustación de produtos de calidade recoñecida: Viños da DO Rías Baixas, subzona da Ribeira do Ulla, queixos galegos con denominación de orixe protexida, produtos con certificación ecolóxica,  Augardentes de Galicia con indicación xeográfica protexida e Castaña de Galicia.


Titiriberia reflexiona nunha mesa redonda sobre o papel da muller nos títeres tradicionais

08-11-2018

O festival Titiriberia. Olladas sobre os cristovos, organizado pola Asociación Cultural Morreu o Demo para o Concello de Teo e coa colaboración da Deputación da Coruña, continúa mañá a súa programación cunha mesa redonda ao redor dos roles femininos no xénero dos títeres tradicionais.


O Informateo de novembro informa do San Martiño

07-11-2018

En Teo novembro é sinónimo de San Martiño. E o Informateo non podía deixar de recoller ampla información sobre esta feira histórica que se celebra cada 11 de novembro na carballeira de Francos. Este ano ademais é domingo, polo que a véspera terá xa un amplo contido festivo con función de Titiriberia e os I Cantos de taberna de véspera.

Ademais do San Martiño infórmase da posta en marcha da aplicación para móbiles Teo avisos que se pode descargar dende a semana do 5 de novembro e a través da que se establece unha nova canle de comunicación coa veciñanza.


O Concello ten aberta a convocatoria de concesión de hortas urbanas en Campos de Mirabel

05-11-2018

O Concello de Teo mantén aberto ata o 15 de novembro o prazo para solicitar a concesión de hortas urbanas na contorna da urbanización Campos de Mirabel, na parroquia de Calo. Hai doce dispoñibles, que se adxudican por un ano e outro de prórroga.


Con esta iniciativa, calquera persoa que non teña terreos pode dispoñer dunha parcela na que cultivar e obter produtos da horta. Para colectivos sociais como maiores de 65 anos é tamén un xeito de manter a actividade e aproveitar o seu tempo libre.

Quen pode solicitar?


O Concello xa ten dispoñible a aplicación Teo avisos

05-11-2018

Este 5 de novembro comeza a funcionar Teo Avisos, a nova aplicación para móbiles que permite unha comunicación directa entre a cidadanía teense e a Administración municipal. A nova aplicación permite avisar ao Concello de avarías, incidencias ou desperfectos directamente desde o lugar no que suceden, sen intermediacións. Ademais, pódense remitir fotografías
e a xeolocalización do asunto sobre o que se envíe a comunicación.


Titiriberia revisará o rol feminino nos monicreques na súa terceira edición

30-10-2018

O festival Titiriberia. Olladas sobre os cristovos, organizado pola Asociación Cultural Morreu o Demo para o Concello de Teo e coa colaboración da Deputación da Coruña, celebrará a súa terceira edición entre o 4 e o 11 de novembro cunha programación que inclúe 12 funcións, unha mesa redonda e dous obradoiros.



Nova edición do concurso de fotografía móbil #OMeuTeo

29-10-2018

O Concello de Teo, a través da concellaría de Benestar, Igualdade, Mocidade e Participación Veciñal, convoca por segundo ano consecutivo o concurso de fotografía con teléfono móbil #OMeuTeo. A primeira edición desenvolveuse no ano 2017, na cal se propuxo que as fotografías enviadas a concurso recollesen o recuncho favorito do concello de Teo de cada participante. O vencedor foi Diego Vázquez Ares, quen recibiu como premio unha tableta iPad.