Este sábado 23 e domingo 24 de febreiro a parroquia de Reis volve sair de entroido. Os xenerais, correos e coros percorrerán as diferentes aldeas acompañados da figura do Demo de Reis, personaxe propia deste parroquia e do noso entroido. Nas dúas xornadas se celebrará o tradicional atranque a última hora da tarde no campo da festa. As coordenadas GPS do campo da festa son as seguintes: 42º 46´ 17.9"/ 8º 33´ 10.1"
Nos últimos días quedou constituída, nunha asemblea celebrada no Pazo de Raxoi, a Asociación de Entidades Locais pola Lingua da que Teo forma parte. Trátase dunha entidade que ten como obxectivo desenvolver proxectos conxuntos no ámbito da normalización do idioma.
As obras de construción da variante da DP 8202 en Cacheiras (Teo), comezarán de xeito inminente. Así llo comunicou o presidente da Deputación, Valentín González Formoso, á concelleira de Urbanismo da localidade, Uxía Lemus, na reunión que mantiveron na sede da institución provincial para ultimar os detalles das obras, que foron adxudicadas o pasado 23 de xaneiro á empresa Eulogio Viñal Obras Y Construcciones por 221.079 euros, un importe ao que hai que sumar os 238.544 euros investidos pola Deputación nas expropiacións necesarias para levar a cabo os traballos.
Esta mañá quedou constituído o Consello Asesor do Parque Compostela Rupestre, nunha reunión celebrada no Pazo de Raxoi na que estiveron representados os cinco concellos que participan do proxecto (Santiago, Ames, Brión, Teo e Val do Dubra) e máis a Deputación da Coruña. Na xuntanza tamén se presentou a nova imaxe corporativa do parque.
A parroquia de Rarís abre este domingo 17 de febreiro o entroido dos xenerais en Teo. Despois dela celebraranse en Reis os días 23 e 24, en Santa María de Teo o 2 de marzo e en Vilariño o 3 de marzo.
Unha ruta de sendeirismo permitirá coñecer os petróglifos de Teo mediante un itinerario perfectamente sinalizado e con características que permitirán a súa homologación por parte da Federación Galega de Montañismo. A ruta é de tipo circular, de maneira que ten en Cornide o seu punto de partida e de chegada.
Dende o Departamento de Urbanismo informan do corte de tráfico do viario que comunica Carballal coa Urbanización Campos de Mirabel, este venres 15 en horario de 08:30 horas a 19:00 horas. O motivo son os traballos de acondicionamento da estrada. As persoas residentes na zona non se verán afectadas polo corte. Desculpen as molestias.
Descargue aquí o plano no que se ve o viario afectado.
O Proxecto Youtubeir@s, organizado polos servizos de normalización lingüística de trece concellos, polas tres universidades e pola Deputación da Coruña, lanza a súa terceira edición coa meta de consolidar a comunidade de youtubeir@s que naceu, participou e medrou ao abeiro desta iniciativa nos últimos anos.
Teo participa, xunto con Santiago e Ames no proxecto #Galegoempresas, un directorio de empresas radicadas nos tres municipios que ofrecen produtos e servizos en galego. O obxectivo é "poñer en valor aqueles negocios nos que a nosa lingua adquire visibilidade, e facer un recoñecemento á calidade na atención por parte destes negocios", apuntou o alcalde de Santiago, Martiño Noriega, na presentación da iniciativa.
Preto de 25 lugares e parroquias da Comarca da Ulla acollerán este ano altos ou atranques do Entroido dos Xenerais da Ulla. Múltiples asociacións veciñais e comisións de festas organizan cada ano esta Festa, declarada de Interese Turístico de Galicia no ano 2013, e contan coa colaboración conxunta dos Concellos de A Estrada, Boqueixón, Santiago, Silleda, Teo, Touro, Vedra e Vila de Cruces.