CIM

O CIM é un recurso municipal de carácter permanente desde o cal se articula unha intervención global dirixida ás mulleres e que proporcionan asesoramento xurídico, atención psicolóxica, orientación profesional e sociolaboral, así como calquera outra información encamiñada á consecución da igualdade efectiva entre mulleres e homes.

O CIM poderá prestar atención e asesoramento a aquelas mulleres que o demanden, de forma individual ou colectiva, formando parte dun grupo ou asociación de mulleres, así como a calquera persoa, en asuntos relacionados coa promoción social da igualdade de xénero.

Terán carácter prioritario dentro da acción do CIM as actividades de prevención, información, asesoramento e loita en xeral contra a violencia de xénero, así como a atención ás mulleres vítimas de violencia de xénero. Ademais, a atención poderase estender ás fillas e fillos e ás persoas menores ou maiores dependentes delas coa intención de reducir o impacto negativo que a situación de violencia produce nestas persoas. Tamén será prioritaria a atención a mulleres pertencentes a outros colectivos en situación de vulnerabilidade e/ou risco de exclusión social. Así mesmo, os CIM tamén poderán prestar información e asesoramento na súa área de influencia ao colectivo de persoas lesbianas, gays, transexuais, bisexuais e intersexuais (en diante colectivo LGTBI), tanto individualmente como ás asociacións e federacións que o demanden.

Dentro das actividades levadas a cabo dende o CIM podemos destacar:

• Asesoramento xurídico e atención psicolóxica

• Atención específica ás mulleres vítimas de violencia de xénero e, de ser o caso, ás fillas, fillos e persoas menores ao cargo da muller vítima, ou maiores dependentes.

• Atención específica a mulleres en situación de especial vulnerabilidade co obxectivo de mellorar a súa situación persoal, social ou laboral.

• Información sobre os recursos dispoñibles no seu ámbito territorial e, se é o caso, área de influencia.

• Difusión e sensibilización cidadán a cerca da vixencia e aplicación do principio de igualdade entre mulleres e homes e da necesidade da consecución de igualdade de dereitos e de integración social do colectivo LGTBI.

• Funcionamento como canle de comunicación entre as persoas usuarias e os distintos organismos que teñan competencias en materia de muller e igualdade e atención e integración do colectivo LGTBI.

• Realización de conferencias, encontros, xornadas e cursos sobre temas de especial incidencia na consecución do principio de igualdade, tanto no relacionado co xénero como coa temática da diversidade sexual.

• Calquera outra actividade que se adecúe ao obxectivo prioritario da consecución da igualdade, sobre todo nos ámbitos laboral e social.

O horario do centro é de luns a venres de 8:00 a 15:00 , atención psicolóxica todos os días e a atención xurídica de luns a mércores con cita previa.

PLANS DE IGUALDADE PREVIOS

• I PLAN DE IGUALDADE

• II PLAN DE IGUALDADE

• III PLAN DE IGUALDADE

Estase a elaborar o V plan de igualdade do concello de Teo e que necesitamos a colaboración da ciudadanía. Para elo, deben de acceder ao seguinte enlace, que xa está operativo para cumprimentar. Teñen de prazo ata o vindeiro venres día 4.