O Concello e Provivenda poñen en marcha o programa Fogares

09-08-2022

O Concello de Teo asinou, no primeiro trimestre do ano 2022, un convenio coa entidade Provivienda que lle permitiu por en marcha o programa Fogares no noso municipio. Trátase dunha iniciativa que permitirá habilitar seis vivendas que faciliten a inclusión social de persoas vulnerables ou en exclusión residencial. Desta forma búscase contribuír a mellorar a calidade de vida destas persoas a través do acceso a vivendas integradas na comunidade facilitando os apoios profesionais e pers


Melloras na sede do CRA

09-08-2022

A concelleira de Educación, María López, visitou estes días algunhas das obras de mellora que se estiveron realizando nos centros escolares. A sede do CRA, en Solláns, é unha das instalacións nas que se fixeron varios traballos xa que algúns elementos atopábanse moi deteriorados. 



O Concello pídelle á Xunta que incremente as prazas de comedor nos Tilos

29-07-2022

O Concello solicita á Consellería de Educación que incremente as prazas de comedor no CEIP Os Tilos. Nos últimos días a concelleira de Educación, María López, tivo constancia de que este ano a listaxe de agarda no servizo de comedor neste centro volve a ser de 40 familias. "Trátase dunha situación inasumible para as familias e a institución responsable deste servizo ten que dar unha resposta rápida e real xa que se trata dun problema que non é ningunha novidade" destaca López. 



Teo coloca a bandeira galega nos edificios municipais polo 25 de xullo

22-07-2022

O Concello de Teo celebra o 25 de xullo, día nacional de Galicia, coa colocación da bandeira galega nos edificios municipais. 

Teo conmemora deste xeito esta data na que as galegas estamos de celebración e deixa testemuña desta festividade coa instalación das bandeiras e moitos dos edificios municipais como as casas comúns e edificios deportivos coma os pavillóns e piscinas. A bandeira está colocada permanentemente na Casa do Concello pero dende agora loce tamén en locais de uso comunitario. 



A Deputación incumpre o seu compromiso co Concello na mellora da estrada de Luou

15-07-2022

A Deputación da Coruña incumpre as súas obrigas na mellora da vía DP-0205 ao seu paso pola parroquia de Luou. Así mesmo tamén “esquece” reiteradamente os compromisos adquiridos co Concello para a mellora desa vía.

A estrada DP-0205 é unha vía provincial que vén de Bertamiráns e cruza parte do Concello de Teo ata a Ramallosa. No tramo que pasa pola parroquia de Luou a estrada mantén unhas características que a fan moi perigosa xa que é moi estreita e ten varias zonas de curvas.