Celébrase unha sesión da escola de familias dirixida ás familias con escolares en sexto de primaria

25-04-2022

O vindeiro sábado 30 de abril, a  escola de familias abordará a transición de primaria a secundaria onde se tratarán os aspectos a ter en conta nas familias que teñen que afrontar ese proceso este ano. Será unha sesión dirixida polo doutor en psicoloxía Manuel Isorna na que haberá espazo para dúbidas e debate. 




Teo acolle o programa da USC para maiores de 50 anos en maio

24-04-2022

Teo volve a acoller o programa Camiños de coñecemento e experiencia da USC. Trátase dunha iniciativa de divulgación da Universidade de Santiago dirixido a persoas maiores de 50 anos e para asistir non é preciso ter unha formación específica propia. O Concello colabora dende hai anos con esta actividade que achega o coñecemento aos Concello da contorna de Compostela coa intención de potenciar e difundir o coñecmento científico e artístico.


Case 400 persoas inscritas na Carreira Batalla de Cacheiras

22-04-2022

O 23 de abril conmemóranse en Teo a Batalla de Cacheiras, o enfrontamento militar acontecido no 1846 no alto de Montouto, que enfrontou ao exército sublevado dirixido por Solís contra as tropas de Madrid lideradas por Gutiérrez de la Concha. Mañá lembraremos esta data cun evento bastante máis lúdico, a tradicional carreira que percorre os mesmos camiños que os militares hai 176 anos. 


O goberno teense mantén a súa dispoñibilidade a estudar solucións á problemática da Casalonga

21-04-2022

O goberno teense mantén a súa disposición a estudar posibles solucións á problemática da Casalonga. Sen embargo esta disposición "será sempre ao amparo da legalidade e coas premisas legais imprescindibles para unha administración pública" indica o alcalde de Teo, Rafael Sisto.


O Concello lamenta a sabotaxe na obra da senda en Bamonde

20-04-2022

O Concello lamenta a sabotaxe que se produciu estes días nas obras da senda peonil na parroquia de Bamonde. Na zona que vai dende a estrada provincial en Cachóns ata o cruce que vai cara a igrexa de Bamonde retiraron o encofrado preparado para a senda ao longo de máis de 600 metros lineais. A empresa adxudicataria da obra xa presentou denuncia diante da Policía Local por estes feitos, que supoñen unha perda de máis de 3.000 euros.