O Concello vén de recibir, este venres 14 de setembro, unha Solicitude de informe sobre o plan de restauración para a concesión da explotación "Casalonga" número 6996. Este plan de restauración da antiga canteira da Casalonga está promovido pola empresa Toysal, propietaria das parcelas e da cuadrícula mineira que da dereito á explotación da mina. Podes consultar aquí a solicitude da Xunta.

O Informateo de setembro vén cargado de información de interese para este curso que comeza. Na portada aparece información sobre as obras de acondicionamento da antiga escola unitaria de Solláns para convertila nun espazo de traballo colaborativo que comezará a funcionar nos vindeiros meses. Deste xeito o edificio poderá ter un novo uso por parte de persoas emprendedoras, autónomas ou startups. As obras de mellora do edificio foron financiadas con fondos europeos.

Chévere, a compañía de teatro residente en Teo, volve programar Ultranoites, un dos seus espectáculos con mellor acollida entre o público. En setembro ofrecerá seis representacións no Auditorio Constante Liste. Serán os días 14, 15, 21, 22, 28 e 29, sempre ás 22:00 horas.

O Concello de Teo leva retirados máis de 350 niños de nespra asiática que vai de campaña nesta primaveira e verán. Dende finais do ano pasado o Concello é entidade colaboradora coa Xunta de Galicia para a retirada de niños. "Adoptamos esta decisión diante da falla de resposta por parte da Xunta xa que o verán pasado a retirada de niños acumulaba retrasos de semanas e meses" explica o alcalde de Teo, Rafael Sisto.