Volve o Concurso de postais de Nadal de Teo

Xoves 20-11-2025 | compartir:

Nesta XXIV edición, poderán concursar todos os nenos e nenas que estean empadroados en Teo e matriculados nalgún dos centros educativos públicos do Concello de Teo de 0 a 12 anos. Entre as postais premiadas escollerase aquela máis acaída para a felicitación de Nadal por parte do Concello.

A dimensión máxima debe ser de 21 x 15 centímetros, presentarase un debuxo de temática libre xunto coa expresión dun desexo que teña clara relación co Nadal. Cada postal deberá ter escritos pola parte traseira os seguintes datos: nome e apelidos, idade, teléfono, curso e centro educativo teense no que está.

CATEGORÍAS E PREMIOS:

CATEGORÍA A (INFANTIL): de 0 a 6 anos

1º Premio: un diploma e un vale por importe de 50 € en material didáctico (libros, xogos ou material escolar)
2º Premio: un diploma e un vale por importe de 30 € en material didáctico (libros, xogos ou material escolar)

CATEGORÍA B (PRIMEIRO GRUPO): 1º, 2º e 3ª de Primaria

CATEGORÍA C (SEGUNDO GRUPO): 4º, 5º e 6º de Primaria

PRAZO DE PRESENTACIÓN:

Do 20 de novembro ata o 9 de decembro do 2025. Os traballos poden presentarse no Departamento de Cultura do Concello (de 8.00 a 15.00 h), na Mediateca do Grilo, na Biblioteca dos Tilos ou nos propios centros educativos do Concello.

PARA MÁIS INFORMACIÓN:

Podedes chamar ao departamento de Cultura ao teléfono 981 941 063, de luns a venres en horario de 9.00 h a 14.00 horas.