Treixadura e a Feiriña abren o San Martiño 2022

02-11-2022

A programación festiva do San Martiño 22 comeza este sábado 5 de novembro co concerto de Treixadura. A formación de música tradicional galega ofrecerá un concerto ás 21:00 horas para o que non é preciso retirar entrada. Só hai que vir con ganas de desfrutar e pasalo ben. A actuación será na zona do cruceiro de Francos, antes da entrada á carballeira. Nesa xornada a previsión é que xa haxa instaladas carpas de polbo. O concerto de Treixadura está co financiado pola Deputación da Coruña. 

Feiriña



Arre San Martiño 2022!

21-10-2022

Volve o San Martiño cunha ampla programación festiva. Esta tradicional cita co mundo do cabalo, que se celebra o 11 de novembro na carballeira de Francos terá diferentes actividades nos días previos e nas xornadas posteriores. A música e o cabalo serán os dous ingredientes que protagonizan o cartel. 

María López, concelleira de Turismo, destaca que este ano traballaremos para darlle ao cabalo o lugar que merece na feira. A música en directo cos concertos de Treixadura e Boyanka Kostova, será elemento destacado da gran feira teense. 

Xornadas sobre cría 


A atención sanitaria de Pontevea farase temporalmente no centro de saúde de Cacheiras

19-10-2022

O Sergas vén de comunicar ao Concello que nas vindeiras dúas semanas a atención sanitaria do consultorio de Pontevea se vai trasladar ao centro de saúde de Cacheiras. Dende os servizos técnicos municipais trasladouse a necesidade de acometer unha obra no edificio de Pontevea que fai inviable continuar coa actividade asistencial alí neste momento. Esta mesma mañá visitaron o imoble técnicos da Xunta e representantes municipais.


O 15 de novembro remata o prazo para solicitar as axudas de ensino e transporte deste curso

17-10-2022

As bolsas de ensino e transporte para este curso escolar publicáronse no BOP do venres 14 de outubro. Dende o día da publicación contará o prazo de 20 días ábiles para presentar as solicitudes de axuda.

As bases completas, así como o formulario, poderanse consultar no apartado de Convocatorias da web teo.gal ou premendo aquí



Sisto pide en Francos que non se dea osíxeno a Toysal, máis bloqueado ca nunca

11-10-2022

O alcalde, Rafael Sisto, acompañado do seu grupo de goberno mantivo unha reunión informativa coa veciñanza da zona da Casalonga para informar das últimas novidades sobre a cuestión da canteira e a problemática coa empresa Toysal. Comezou explicando que "estamos aquí polo compromiso de informar, despois daquela xuntanza realizada no mes de xuño".


Comeza a VI edición do certame “Enreguéifate”

07-10-2022

Este mediodía presentouse no Milladoiro a sexta edición do certame Enreguéifate, un proxecto conxunto impulsado polos Concellos de Teo, Ames, Carballo, Pontevedra e Santiago de Compostela, que busca difundir a improvisación oral en verso e contribuír á promoción do uso da lingua galega. A participación é aberta e de balde e concrétase co envío dun vídeo no que, cando menos, dúas persoas aparezan regueifando en lingua galega. Establécense dúas categorías: xeral e escolar.


O Concello atende unha solicitude de reunión de Toysal

07-10-2022

O Concello atende este próximo luns 10 de outubro unha solicitude de reunión tramitada dende a empresa Toysal. Na xuntanza estarán o alcalde de Teo, Rafael Sisto, acompañado da secretaria xeral do Concello e do arquitecto municipal, e pola parte da empresa asistirán Víctor Toca, o propietario, e Jorge Oruña, coordinador técnico e loxístico no grupo Toysal.

Dende a empresa, que dispón actualmente da concesión mineira Casalonga nº 6996, indican que a reunión é para falar das propostas que teñen para a zona e sobre o reinicio das actividades na canteira.


O pleno do Concello pídelle á Deputación a ampliación da DP-0205

30-09-2022

O pleno do Concello de Teo aprobou, na sesión deste mes de setembro, reivindicarlle á Deputación a ampliación da DP-0205 e a mellora da seguridade viaria no núcleo da Igrexa (Luou). 

A proposta, na que se explica o desleixo da Deputación con esta vía da súa titularidade así como a discriminación ao Concello evidenciado na falla de investimentos, contou co apoio de todos os grupos políticos (PP, Son de Teo, PSdeG-PSOE e BNG)

Podes ver o contido a proposta aprobada a continuación: