O Concello distribúe axudas entre as persoas usuarias das escolas infantís
29-11-2021En 2020 a Xunta de Galicia recoñeceu unha subvención extraordinaria ao Concello de Teo para a concesión de axudas
Teo volve a concentrarse polo 25N
25-11-2021O Concello de Teo volve a concentrarse, nun acto institucional, para rexeitar a violencia de xénero. Esta mañá, persoal municipal, participou nesta actividade na que se lle deu lectura á Declaración institucional polo 25 N.
DECLARACIÓN INSTITUCIONAL DO CONCELLO DE TEO NA CONMEMORACIÓN DO 25 DE NOVEMBRO “DÍA INTERNACIONAL DA ELIMINACIÓN DA VIOLENCIA DE XÉNERO” 2021
O pleno de novembro votará mocións sobre o 25N
22-11-2021O mércores 24 de novembro celébrase o pleno ordinario deste mes ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
Na sesión votaranse mocións do PSOE e do BNG sobre o 25N, Día internacional da eliminación da violencia contra a muller. O Concello programou para o xoves 25 un acto institucional ás 12:00 no que se fará unha lectura de poemas e da declaración institucional por esta xornada.
Teo conmemora o 25N e volve a participar na campaña En negro
15-11-2021O 25 N haberá no propio edificio do Concello unha lectura de poemas e o manifesto institucional. Será ás 12:00 horas e está aberto a calquera persoa. Non é preciso anotarse. O acto poderá seguirse en directo a través da canle de youtube do Concello.
Durante o acto entregaranse camisetas da campaña en negro ás persoas asistentes.
Podes consultar aquí a declaración institucional polo 25 N
O San Martiño volve con forza e coa confianza de acadar a declaración de Festa de Interese Turístico de Galicia
12-11-2021Volveu o San Martiño despois do ano de parón pola pandemia e fíxoo con forza e ganas. Dende o Concello, María López, concelleira de Turismo, destaca "o bo ambiente vivido, a afluencia de público e o mantemento dun mercado cabalar que cada vez máis se anima con decenas de persoas que veñen á feria a cabalo". López explica que agora "toca reivindicar que a feira do San Martiño sexa declarada por fin Festa de Interese Turístico de Galicia e confiamos en que a edición do 2022 xa conte con esta distinción".
A Policía Local e Protección Civil salvan a vida dun home en parada cardiorespiratoria o día do San Martiño
12-11-2021A Policía Local e Protección Civil asistiron a un varón de 67 anos que entrou en parada cardiorespiratoria mentras conducía o día do San Martiño, nas inmediacións da feira.
Onte, un pouco antes das 16:00 horas, a Policía Local e Protección Civil, que estaban no operativo organizado pola feira do San Martiño na zona da carballeira foron requerida para un servizo de emerxencia nas inmediaciónis do establecemento Bar Touceda, N550 (Francos-calo) por unha posible parada cardíaca dun varón de 67 anos no interior do seu vehículo.
Compostela Rupestre adicará fondos á compra de parcelas no Monte Piquiño
12-11-2021Na xuntanza de Compostela Rupestre realizada esta mañá en Teo acordouse adicar 50.000 para a compra de parcelas no Monte Piquiño. Tamén haberá fondos para limpeza e sinalización de elementos patrimoniais que deben realizarse no que queda de ano e durante o 2022. Santiago tamén recibirá 150.000 euros para a creación do CIRVI (Centro de Interpretación Rupestre de Villestro).
O Concello habilita un aparcamento disuasorio na N-550 polo San Martiño
10-11-2021O Concello habilita un aparcamento disuasorio de balde na N-550 con autobús dende ese punto á feria do San Martiño. Os accesos á carballeira son sempre complicados nesta xornada, polo que se oferta este espazo para deixar o vehículo de balde e poder ir ata a carballeira en autobús.
O aparcamento está na N-550, entre o restaurante Cierto Blando e o bar Tía María, concretamente na parcela nº 13 da rúa dos Irmáns Liste Forján (Ameneiro-Calo). Podes ver a ubicación exacta premendo aquí
Tres olladas fotográficas para o San Martiño en redes
08-11-2021Este San Martiño verémolo en redes dende unha mirada feminista, unha mirada artística e dende o fotoxornalismo. E farémolo grazas a Charo Lopes, Noel Feáns e Óscar Corral. Unha feira tradicional con séculos de historia que queremos achegar ás redes sociais neste 2021. Dende Turismo de Teo encargan a estes tres fotógrafos unha "crónica" desa xornada, cada un dende a súa óptica persoal.
A Policía Local incauta case 200 gramos de marihuana en Cacheiras
08-11-2021A Policía Local de Teo vén de incautar 190 gramos de marihuana destinada á venta na zona de Cacheiras. Os feitos teñen lugar o pasado venres cando unha patrulla intercepta a un varón na vía pública deambulando de noite por unha zona escura próxima ao cemiterio de Cacheiras.
Tras detectar un forte cheiro a marihuana procédese á identificación e cacheo, incautando a citada substancia no interior de botes de plástico.