O Concello preocupado polo inicio da actividade na canteira da Casalonga

20-03-2019

O goberno municipal de Teo amósase moi preocupado polo inicio de explotación da canteira "Casalonga" número 6996, na parroquia de Calo. O alcalde, Rafael Sisto, e a concelleira de Urbanismo, Uxía Lemus, achegáronse á zona onde puideron comprobar que había persoal da Dirección Xeral de Minas da Xunta de Galicia e a Directora Facultativa da explotación, persoal de Toca Salgado, a empresa propietaria dos dereitos de explotación.


O Festival Atlántica leva a Teo os contos de Sofia Maul e Maricuela

13-03-2019

Un ano máis, a colaboración entre o Concello de Teo, a Deputación da Coruña e o Festival Atlántica vai achegar ata o municipio as historias deste encontro internacional de narración oral. Desta volta, as artistas Sofia Maul e Maricuela van ser as responsables de levar os contos os días 14 e 16 de marzo en dúas actividades gratuítas.


O censo electoral poderase consultar entre o 11 e o 18 de marzo

12-03-2019

Diante da convocatoria das eleccións a Cortes Xerais 2019, que se celebrarán o 28 de abril, a Oficina do Censo Electoral comunica aos Concellos que o prazo de exposición pública do Censo Electoral será entre os días 11 e o 18 de marzo. Nese prazo, os interesados poderán achegarse ao Concello a comprobar os seus datos e proceder a reclamacións se é preciso.


Comeza o reparto de atraente para trampear a nespra asiática

05-03-2019

O Concello de Teo inicia de novo o reparto de doses de líquido atraente contra a nespra velutina. Desde o 6 de marzo e ata o mes de maio todas as persoas interesadas poden obtelo na nave do servizo de Protección Civil. Os seus responsables entregarano de balde todos os mércores de 17:00 a 19:00 horas e todos os sábados entre as 10:00 e as 12:00 horas. É importante lembrar que se debe levar un recipiente de plástico dun mínimo de 300 mililitros de capacidade.


Aberto o prazo para solicitar praza de novo ingreso nas escolas infantís municipais

05-03-2019

O mes de marzo é o mes no que se solicita praza nas escolas infantís municipais de Calo, Os Tilos e A Ramallosa.

Prazos concretos

Para nenos e nenas que xa teñan praza neste curso e queiran renovala para o vindeiro, o prazo de solicitude vai desde o 1 ata o 15 de marzo. Quen pida nova praza disporá para facelo do período entre o 17 de marzo e o 1 de abril. Para obter praza de novo ingreso o neno ou nena ten que nacer antes do 31 de xuño.

Que documentación se necesita?


O Concello recibe unha doazón de case 200 imaxes de bens culturais do Concello

05-03-2019

O Concello de Teo recibiu esta mañá a doazón de case 200 imaxes de todas as parroquias dos últimos 30 anos. O mestre e escritor, Xosé María Lema, veciño de Cacheiras foi a persoa que fixo entrega de parte do seu fondo fotográfico para que o Concello o custodie e poida poñelo a disposición de investigadores ademais de poder utilizalo para actividades culturais municipais coma exposicións, charlas ou actividades divulgativas.



O Concello pon en marcha un servizo para persoas con demencia en colaboración con Agadea Alzheimer

04-03-2019

O concello de Teo contará, a partir do 14 de marzo, cun servizo gratuito de Estimulación Terapéutica, dirixido ás persoas con alzhéimer e outras demencias neurodexerativas. Ata dez persoas se beneficiarán deste servizo municipal, que nace froito da cooperación entre a concellería de Benestar e Igualdade de Teo e Agadea e que permitirá frear a desorientación e déficit cognitivo que acarrea esta doenza neurolóxica.


Teo e Vilariño pechan o entroido deste ano

01-03-2019

O entroido dos xenerais ten unha nova cita esta fin de semana, concretamente nas parroquias de Santa María de Teo e Vilariño. E deste xeito despedímonos desta festa de interese turístico no Concello ata o próximo ano. Os xenerais e comparsas sairán o sábado 2 e domingo 3, sempre que o tempo o permita para volver a celebrar os atranques, unha das partes máis destacadas do entroido dos xenerais.