O venres 6 de marzo ás 19:30 horas celébrase un concerto da Banda Municipal de Música de Santiago no Auditorio Municipal Constante Liste. A actuación é de balde ata completar aforo. A Banda Municipal de Música de Santiago, dirixida por Casiano Mouriño, e os Amigos da Ópera de santiago presentarán a Gala Lírica: Da tradición á ópera. Interpretará unha selección de pezas a soprano Clara Panas acompañada de Margarita Guerra ás castañolas e o Coro Liceo de Vilagarcía (dirixido por María Domínguez).

Programa do concerto

(EDITADO) Diante das medidas adoptadas pola Xunta de Galicia en relación coa crise do Covid-19 o Concello de Teo cancela o obradoiro de impresión en 3d previsto para o 14 de marzo e dirixido á mocidade. Está previsto volver a programar esta actividade máis adiante do que se informará na web municipal e nas redes sociais. 

A concellaría de Mocidade programa para o mes de marzo un obradoiro de impresión en 3D. Esta actividade será o sábado 14 de marzo na Aula de informática municipal en horario de 19:30 a 22:00 horas.

A corporación teense reúnese este mércores 26 de febreiro nunha sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí. 

Un dos puntos que se debaterán serán as mocións sobre o apoio ás mobilizacións do 8 de marzo. 

A orde do día ten os seguintes puntos: 

O Festival Atlántica vén de anunciar a programación da súa oitava edición, que se vai celebrar entre os días 11 e 20 de marzo.

Co gallo da celebración, o 24 de febreiro, do Día de Rosalía, a Concellaría de Lingua do Concello de Teo en colaboración cos centros de ensino municipal realizou unha  campaña para escoller, de entre os versos de Rosalía, os que máis gustaban aos e ás escolares teenses.

A concellaría de Cultura, dirixida por Mayte Argibay, comunica que a escola cultural de programación e robótica conta con prazas vacantes. Deste xeito ábrese un prazo para inscribirse ata o 25 de febreiro. As prazas ofertadas son seis e asignaranse por orde de inscrición. 

O obradoiro realízase os xoves de 16:00 a 17:00 horas na Aula de informática municipal e e está dirixido a nenos/as nados dende o 2011 ata o 2012. Nesta escola cultural achégase á rapazada a conceptos coma o deseño 3D, a realidade aumentada ou a realidade virtual. 

A Aula de informática municipal programa de cara aos días de entroido un obradoiro para crear a túa careta. Esta actividade, que é de balde, está dirixida a nenos e nenas con idades comprendidas entre os 5 e os 10 anos. O obxectivo do taller é que aprendan a debuxar no ordenador utilizando o programa Paint. 

Diante da convocatoria das eleccións ao Parlamento de Galicia 202, que se celebrarán o 5 de abril, a Oficina do Censo Electoral comunica aos Concellos que o prazo de exposición pública do Censo Electoral será entre os días 17 ao 24 de febreiro. Nese prazo, os interesados poderán achegarse ao Concello a comprobar os seus datos e proceder a facer as reclamacións que foran necesarias.