O Concello traballa nun proxecto de apoio as persoas maiores de 80 anos que viven soas

25-03-2020

Os servizos Sociais comunitarios de Teo están a facer un proxecto de apoio para as persoas maiores de 80 anos que vivan soas e que aínda non son usuarias dos servizos municipais.  Como primeiro paso, e en colaboración coa Garda Civil do Milladoiro, a Policía Local e a Agrupación de Voluntariado de Protección Civil están procedendo a depurar os datos do Padrón Municipal de habitantes para saber exactamente cantas persoas maiores viven soas.


Os produtores do mercado do alimento labrego lévanche a compra á casa

24-03-2020

O mercado do alimento labrego de Teo que se celebra nos Tilos cada sábado está suspendido debido ao estado de alarma e segundo o establece a orde da Xunta publicada o pasado martes 24 no DOG. Sen embargo os/as produtores e produtoras queren axudarche e lévanche a cesta da compra á casa. A orde publicada pola Xunta permite a venda de produtos agrícolas e gandeiros por medios alternativos como a vía telefónica, o correo electrónico ou similares.


Horarios dos autobuses despois do estado de alarma (actualizado con data 12 de agosto)

24-03-2020

A Concellaría de Mobilidade solicitou ás empresas de transporte de viaxeiros que operan no Concello os horarios dos autobuses durante os días que dure o estado de alarma. Lembramos que durante o estado de alarma só se pode saír para realizar determinadas actividades e evidentemente para o uso do transporte público deben terse en conta as mesmas indicacións. Así mesmo, en caso de facer uso del, deben manterse as distancias de seguridade. 

As empresas que comunicaron polo momento os cambios nas frecuencias das liñas son Hedegasa-Autobuses de Calo; Seoane e A Estradense. 




Teo apoia a campaña "Calcetíns desparellos" para conmemorar o Día do Síndrome de Down

20-03-2020

O Concello de Teo apoia a campaña "Calcetíns desparellos: tan diferentes coma iguais" coa que se conmemora o Día Mundial da Síndrome de Down. Con esta iniciativa quérese visibilizar esta problemática a través das redes sociais. Para eso pídese que os días 20 e 21 de marzo poñamos calcetíns desaparellos e subamos fotos ás redes sociais cos cancelos: #Tandiferentescomaiguais; #CalcetínsDesparellos e #DíaMundialSíndromeDown


SUSPÉNDESE o mercado do alimento labrego dos Tilos a petición da Garda Civil

20-03-2020

Diante da situación actual do estado de alarma a Garda Civil solicitou á alcaldía do Concello de Teo que se suspenda o Mercado do alimento labrego que se celebra cada sábado nos Tilos. Como este mercado é de produtos de alimentación, recollidos como de primeira necesidade na norma estatal que decreta o estado de alarma, estaba prevista a súa celebración. Sen embargo o Concello atende a petición das autoridades e non se celebrará. 


Habilítase a escola de programación municipal en liña

18-03-2020

Debido ao estado de alarma decretado polo Goberno a raíz da pandemia do coronavirus, a Aula de Informática do Concello de Teo xunto coa empresa Rockbotic (encargada habitual da impartición das clases) quere ofrecerlle ao alumnado da Escola Cultural de Programación (Robótica),
unha plataforma virtual  para traballar en liña os contidos do obradoiro.
Esta permitirá compartir a pantalla, a través da cal, poderemos dar as clases e
resolver problemas e dúbidas ao alumnado da mesma forma que se


Información sobre o funcionamento dos Servizos Sociais durante a crise sanitaria do Covid-19

18-03-2020

En relación co funcionamento dos Servizos Sociais municipais estes días dende o Concello lembramos que Os Servizos Sociais municipais seguen activos durante esta crise sanitaria para atender as urxencias sociais que poidan xurdir e mantense activo o Servizo de Axuda no Fogar, seguindo as instrucións do Ministerio de Dereitos Sociais.