Volven os campamentos de verán en Santa Cruz de Oleiros

O Concello abre mañá o prazo para anotarse nos campamentos de verán, que se celebrarán no albergue de Santa Cruz de Oleiros. Así, os interesados teñen de prazo entre o martes 17 e o luns 30 de xuño para anotarse nos correspondentes campamentos: infantil ou xuvenil. Podedes consultar a continuación toda a información:

COTA DE INSCRICIÓN: 90 euros (Inclúe transporte de ida e volta). 

Consultar exencións e bonificacións no BOP nº. 195, do 13/10/2011.

DOCUMENTACIÓN: ficha de inscrición. Pódese recoller no departamento de deportes do concello ou na páxina web do concello www.teo.gal

RESERVA DE PRAZA: no Rexistro Xeral do Concello (preferiblemente por Sede Electrónica), do martes 17 ao luns 30 de xuño ou en calquera dos lugares aos que fai referencia o artigo 16.4 da Lei 39/2015, de 1 de outubro, de procedemento administrativo común das administracións públicas.

No caso de que as solicitudes se envíen por correo postal, deberá xustificarse co resgardo correspondente, a data de imposición do envío na oficina de Correos, e debe anunciarse ao Concello a remisión da solicitude por correo electrónico (deportes@teo.gal) no mesmo día. Sen a concorrencia de ambos requisitos non será admitida a solicitude de presentación.

LISTAXE DE PERSOAS ADMITIDAS*: estará exposta na páxina www.teo.gal a partir do día 2 de xullo.

No caso de que o número de solicitudes supere o total das prazas ofertadas celebrarase un sorteo público o xoves 3 de xullo ás 12.00 h na Casa do Concello e publicarase unha listaxe definitiva de persoas admitidas o día 4 de xullo. Terán preferencia as persoas empadroadas no concello de Teo.

Toda aquela persoa que desexe renunciar á súa praza deberá comunicalo o antes posible por rexistro ou por correo electrónico en deportes@teo.gal

*As listaxes publicaranse cas 4 últimas cifras do número de rexistro.

PAGAMENTO: Enviaremos o documento de pago a o correo electrónico de cada solicitante (nai/pai/representante) coas instrucións. Terase que facer o pago antes do día 11 de xullo.

Unha vez feito o pagamento soamente se devolverá o importe pagado nos casos que figuran no Artigo 6 da Ordenanza reguladora do prezo público por realización de actividades culturais e deportivas.

Artigo 6: Cando por causas non imputables o obrigado o pago do prezo, o servizo ou a actividade non se preste ou desenvolva, procederá a devolución do importe correspondente.

C A M P A M E N T O  I N F A N T I L
DIRIXIDO A: persoas mozas nadas entre o 2018 e 2014 empadroadas no
Concello de Teo.
NÚMERO DE PRAZAS: 60 (5 destinadas para situacións de emerxencia
social)
LUGAR: albergue de Santa Cruz – Oleiros.
DATAS: do 12 ao 20 de agosto.
 

C A M P A M E N T O  X U V E N I L
DIRIXIDO A: persoas mozas nadas entre o 2013 e 2008 empadroadas no
Concello de Teo.
NÚMERO DE PRAZAS: 90 (5 destinadas para situacións de emerxencia
social)
LUGAR: albergue de Santa Cruz – Oleiros.
DATAS: do 22 ao 30 de agosto.
 

REUNIÓN INFORMATIVA: xoves 10 de xullo ás 20.00 h no auditorio municipal Constante Liste.
INFORMACIÓN: 881 974 802 (Deportes)
deportes@teo.gal
www.teo.gal