Xa podedes reservar na axenda os días 10 e 11 de decembro! Eses días adornaremos as árbores de noso coa vosa axuda. Para eso precisamos que vos acheguedes a algunha das ubicacións das árbores cunha bola ou un adorno e o Concello convida a un chocolate. Tamén vos animamos a traer a vosa taza para evitar residuos innecesarios.
O Departamento de Benestar publicou as listaxe provisionais do Diverteo Nadal, que funcionará nos colexios de Calo, Os Tilos e A Ramallosa durante as vacacións escolares. A adxudicación de prazas aparece identificada co número de rexistro de entrada da solicitude, para evitar o uso dos datos persoais dos/as menores.
Podes consultar a convocatoria completa e as listaxes premendo aquí
Novidades sobre o pagamento
A Concellaría de Deportes oferta actividades para este mes de decembro. Serán durante as vacacións escolares e poderemos achegarnos á práctica do hóckey patíns e do tenis de mesa.
A área de Lingua do Concello de Teo promove que as familias que formen parte do programa Apego e teñan unha crianza menor dun ano planten unha árbore autóctona xuntas. Será o sábado 18 de decembro nun espazo denominado “Bosque Apego”, situado en Nespereira, Luou.
Os sábados do mes de decembro serán sábados máxicos en Teo. Teremos Festival de Maxia co Mago Romarís, co Mago Paco e con Dani Polo. Esta actividade, dirixida especialmente a un público familiar será os sábados 4, 11 e 18 deste mes na Ramallosa, no Auditorio Municipal Constante Liste. Todas as funcións serán ás 18:00 horas. A entrada será de balde pero é convinte reservar entrada escribindo a entradascultura@teo.gal indicando os datos persoais dos asistentes así coma un número de teléfono de contacto.
Chega o Nadal e en Teo queremos que sexa un Nadal de noso, e para eso precisamos de vós. Dende as áreas de Desenvolvemento Local e Cultura deseñaron unha programación e unha serie de actividades coa comunidade no centro, para que todos e todas nos sintamos parte deste Nadal. Un dos elementos máis destacados serán sete árbores elaboradas polo artesán local Rodrigo Mosquera, de Tres Oficios, que estarán colocados nas zonas máis comerciais.
O Concello de Teo participa no proxecto de educación ambiental para o cambio climático "Do Des-equilibrio á Des-carbonización" en colaboración coa Cooperativa Feitoría Verde e outras entidades. A iniciativa en Teo quere desenvolverse en colaboración coa Asociación Cultural A Mámoa de Luou, coa que xa se estableceron contactos.
O Concello recibiu a doazón de quince ordenadores portátiles da empresa Tarlogic Security. Os equipos serán usados para actividades lúdicas e formativas organizadas dende as distintas concellarías principalmente enfocadas e nenos e nenas. O acto de entrega contou coa presenza do CEO da empresa, Andrés Tarascó Acuña, e do alcalde de Teo, Rafael Sisto.
Chega o Nadal e é de xustiza que todas as crianzas teñan os seus agasallos. Dende o programa de Educación Familiar, dependente da Concellaría de Benestar, quérese garantir que toda a infancia teense teña ese Nadal como só se desfruta de neno/a.
En 2020 a Xunta de Galicia recoñeceu unha subvención extraordinaria ao Concello de Teo para a concesión de axudas