O voluntariado de Protección Civil recibe unha xornada de formación

16-08-2021

O domingo os e as voluntarias de Protección Civil de Teo recibiron este domingo un curso básico de extinción de incendios para protección civil.

O curso foi impartido de forma altruísta por Fuego y mar, Formación Integral, unha empresa teense sita no lugar da Poboa, que imparte todo tipo de accións formativas orientadas á obtención de diversos certificados de capacitación profesional.


Inaugúrase un labirinto de millo como lugar de ocio na Torre, Cacheiras

13-08-2021

A concelleira de Turismo, María López, inaugurou hoxe un labirinto deseñado nunha finca labrada para que crianzas e maiores desfruten da entrañable sensación de perderse nun campo de millo. O obxectivo é que as persoas que o visiten gocen dunha actividade en contacto coa natureza e dunha xornada distinta perdéndose e buscando a saída entre mazarocas.


Dá comezo o obradoiro de emprego en novas tecnoloxías en Teo

09-08-2021

O alcalde de Boqueixón, Manuel Fernández, o alcalde de Vedra, Carlos Martínez e a concelleira de Desenvolvemento Local de Teo, María López, asistiron este luns, 16 de agosto, ao comezo do Obradoiro de emprego de garantía xuvenil “EMPRÉGATEAPP”, que empregará e formará a 16 alumnos/as traballadores/as.

O Concello de Teo é a entidade promotora deste obradoiro en colaboración cos concellos de Boqueixón e de Vedra, a través dos seus respectivos departamentos de Desenvolvemento Local.


Inicia o prazo para solicitar os pavillóns municipais para as entidades deportivas locais

04-08-2021

O Departamento de Deportes informa da apertura do prazo para que as entidades deportivas locais interesadas poidan solicitar o uso dos pavillóns municipais dos Tilos, Calo e A Ramallosa para realizar actividades deportivas durante o período comprendido entre outubro de 2021 e xuño de 2022.


A rapazada do campamento xuvenil xa está en Oleiros

03-08-2021

A rapazada inscrita no campamento xuvenil partiu esta mañá dende a Casa do Concello cara Santa Cruz de Oleiros, onde estarán ata o 11 de agosto. A concelleira de Mocidade, María López, acompañou a saída e comenta que "agardamos que a rapazada desfrute destes días de desconexión nun contorno seguro, xa que nos tempos que corren a mocidade precisa de espazos de convivencia e socialización".



Xoán Curiel presenta en Teo o seu novo disco ´Treides comigo!´

26-07-2021

Xoán Curiel presenta o seu novo disco, Treides comigo!, en Teo. Será o 27 de agosto na Burga de Xermeade ás 19:00 horas. A actuación contará coa participación de Iris Gey e traen unha proposta chea de maxia e lirismo nun dos espazos naturais do Concello de Teo máis fermosos. A entrada é de balde pero hai que reservar no teléfono 981.941.036 ou escribindo a entradascultura@teo.gal. 


Convócase o pleno ordinario de xullo ao que chegan as reivindicacións do colexio de Calo

26-07-2021

A corporación teense reúnese este mércores 28 de xullo en sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.


Ábrese a selección para unha nova edición do Vives Emplea

22-07-2021

O Concello pon en marcha unha nova edición do Vives Emplea, en colaboración coa entidade Acción contra el Hambre. Trátase dun programa dirixido a persoas desempregadas, orientado a aumentar a motivación na búsqueda de traballo ademais de mellorar as competencias e habilidades das persoas desempregadas. A través do traballo en equipo búscase por en valor as capacidades das persoas participantes para que poidan acadar os seus obxectivos.