A Concellaría de Educación pon en marcha unha escola de familias que ofertará unha sesión mensual para todas as persoas interesadas nos retos da crianza. Será un espazo de encontro mensual, formación e debate sobre diferentes temas da crianza nas distintas etapas e situacións.
O mércores 29 de decembro celébrase o pleno ordinario deste mes ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
A orde do día completa ten os seguintes puntos:
As árbores de noso recibirán durante estes días a visita dos coros das Asociacións do Concello. Chegan os Cantos de Nadal para animar estas festas. Dendo o 23 ata o 30 de decembro teremos varias actuacións en distintas localizacións de Teo, en exterior a carón das árbores instaladas nas zonas comerciais.
O 23 de decembro ás 19:15 h na Casalonga teremos cantos coa SR de San Xoán de Calo, ás 20:00 h en Pontevea contaremos coa AC A Ponte Vella e á mesma hora en Luou acompañaranos a AC A Mámoa.
Este domingo 19 teremos Mercado de Nadal nos Tilos. Será unha boa oportunidade para facer as últimas compras antes das festas. Os postos, coma o ano pasado, estarán colocados na Praza circular dos Tilos dende as 11:30 ás 19:30 horas. E teremos música en directo, brinquedos para xogar e unha noria para as crianzas.
Os postos participantes ofertarán alimentación, xoieiría, instrumentos tradicionais, ebanistería, xoguetería, florarías ademais das adegas de Teo da DO Rías Baixas e dos postos do Mercado do alimento labrego.
As árbores de Noso, elementos centrais na programación de Nadal do Concello, quedaron inauguradas os días 10 e 11 de decembro e xa contan con numerosos adornos achegados pola veciñanza. As árbores de Noso son sete estruturas de madeira feitas en Teo por un artesán local, Rodrigo Mosquera, e localizadas en lugares comerciais do noso Concello.
A Campaña de apoio ao comercio e a hostalaría local de Teo repartirá este Nadal máis de 6.000 euros en vales de 50 euros. Un total de 70 establecementos participan nesta iniciativa que permitirá premiar aos consumidores e aos locais xa que o premio hai que gastalo nalgún dos comercios adheridos.
A programación de Nadal oferta talleres de adornos e de doces de Nadal para este mes de decembro. Serán para crianzas e son de balde. Pero para participar é preciso anotarse premendo aquí
A inscrición abrirase o venres 10 ás 12:00 horas. As prazas son limitadas e a actividade está destinada só a nenos/as empadroados/as en Teo.
Xa podedes reservar na axenda os días 10 e 11 de decembro! Eses días adornaremos as árbores de noso coa vosa axuda. Para eso precisamos que vos acheguedes a algunha das ubicacións das árbores cunha bola ou un adorno e o Concello convida a un chocolate quentiño. Tamén vos animamos a traer a vosa taza para evitar residuos innecesarios.
O Departamento de Benestar publicou as listaxe provisionais do Diverteo Nadal, que funcionará nos colexios de Calo, Os Tilos e A Ramallosa durante as vacacións escolares. A adxudicación de prazas aparece identificada co número de rexistro de entrada da solicitude, para evitar o uso dos datos persoais dos/as menores.
Podes consultar a convocatoria completa e as listaxes premendo aquí
Novidades sobre o pagamento
A Concellaría de Deportes oferta actividades para este mes de decembro. Serán durante as vacacións escolares e poderemos achegarnos á práctica do hóckey patíns e do tenis de mesa.
