A Concellaría de Turismo segue apostando polo formato de visitas teatralizadas para este verán coa xa consolidada Ruta da Batalla de Cacheiras, un percorrido de 9 Km dende Bamonde a Montouto onde a compañía teatral Os Quinquilláns achegan, en diferentes paradas, a historia acontecida no noso territorio o 23 de abril de 1846 con rigor e humor.
O FoPIA rematou a súa actividade anual coa celebración do Consello Local de Infancia e Adolescencia o pasado mes de xuño. Durante todo o curso lectivo o grupo de nenas, nenos e adolescentes xuntáronse unha media de dúas veces ao mes para formarse, reflexionar, debater e realizar propostas en materia de cambio climático, da man do persoal da empresa Feitoría Verde.
O Pleno do Concello, na sesión do 29 de xuño de 2022, aprobou nomear a praza dos Tilos, na que se celebra semanalmente o mercado de produtos labregos, como "Praza do Mercado Labrego".
O acordo contou cos votos favorables do BNG e Son de Teo e as abstencións do PSdeG-PSOE e do PP.
Esta decisión coincide coa celebración dos dez anos de funcionamento do mercado e vén a "oficializar" un nome que a veciñanza xa utiliza no seu día a día.
A proposta da alcaldía que se votou no Pleno é a seguinte:
O mércores 29 de xuño celébrase o pleno ordinario. O horario será ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
Esta mañá reuniuse a Comisión especial de seguimento da canteira da Casalonga coa presenza dos técnicos municipais e da asesoría xurídica externa. Esta comisión conta coa asistencia dun representante da Plataforma Casalonga Limpa de Residuos e dos voceiros/as dos grupos municipais. Nesta sesión, de xeito extraordinario, permitiuse a asistencia de máis membros da Plataforma, como oíntes mais sen voz durante a sesión.
O Festival Atlántica vén de anunciar o programa completo da súa décima edición, que se vai celebrar entre o 30 de xuño e o 9 de xullo.
O goberno municipal valora positivamente a reunión informativa sobra a canteira da Casalonga realizada onte en Francos. O alcalde, Rafael Sisto, fixo unha exposición inicial na que falou da expropiación da pista da canteira por parte da Xunta de Galicia a favor de Toysal.
O 15 de xuño abren as piscinas municipais dos Tilos e Luou. Nos últimos días estiveron facendo a posta a punto para comezar a tempada de verán e poder gozar destas instalacións nos días de calor.
As piscinas estarán abertas ata o 15 de setembro e o horario de funcionamento neste período será o seguinte:
O Concello de Teo acolle acolle a presentación do libro As paroladas de Avelino Pousa Antelo na Radio Galega editado por Valentín Arias López e X. Amancio Liñares en Medulia editorial. A obra edítase este ano, "coincidindo co décimo aniversario do falecemento do mestre galeguista e agrarista" como indica o editor e recolle as intervencións de Avelino na Radio Galega.
O acto de presentación será na Mediateca do Grilo o xoves 16 de xuño ás 20:00 h. e o acceso é libre.
A Policía Local de Teo procedeu hoxe á detención dun varón de 21 anos como posible autor de varios roubos de material informático o pasado mes de marzo na Biblioteca dos Tilos. Naquel momento detectáronse ata tres entradas nas que se roubaron equipos informáticos e unha impresora de tarxetas, un equipamento característico das bibliotecas.