O censo electoral pode consultarse entre os días 17 e 24 de febreiro

14-02-2020

Diante da convocatoria das eleccións ao Parlamento de Galicia 202, que se celebrarán o 5 de abril, a Oficina do Censo Electoral comunica aos Concellos que o prazo de exposición pública do Censo Electoral será entre os días 17 ao 24 de febreiro. Nese prazo, os interesados poderán achegarse ao Concello a comprobar os seus datos e proceder a facer as reclamacións que foran necesarias.



O Entroido dos Xenerais da Ulla celebrará 24 atranques en oito concellos entre o 8 de febreiro e o 5 de marzo

06-02-2020

O Pazo de Raxoi acolleu a presentación do programa do Entroido dos Xenerais da Ulla, declarado Festa de Interese Turístico de Galicia no 2013, que este ano celebran en 24 lugares e parroquias de oito concellos da Comarca da Ulla. Múltiples asociacións veciñais e comisións de festas organizan cada ano esta Festa, que conta tamén coa colaboración conxunta dos Concellos de A Estrada, Boqueixón, Santiago, Silleda, Teo, Touro, Vedra e Vila de Cruces.


A escola de familias realiza en febreiro unha charla sobre a síndrome de Asperger

06-02-2020

A escola de familias do Concello de Teo, dependente da Concellaría de Educación, retoma a actividade cunha charla informativa sobre a síndrome de Asperger coincidinco co mes no que se celebra o día internacional deste trastorno. A actividade será o sábado 8 de febreiro na Mediateca do Grilo ás 18:00 horas e o acceso é libre para calquera persoa interesada neste tema. 



Urbanismo tramita un Plan Parcial nos Tilos para erixir 125 vivendas

05-02-2020

(EDITADO) O Departamento de Urbanismo do Concello de Teo está a tramitar un novo plan parcial presentado por unha empresa inmobiliaria para un sector delimitado no ámbito do SUND-3, nos Tilos. No Plan parcial, nun sector de 56.775 m², prevense 125 vivendas, en vivenda colectiva, e onde máis do 20% do aproveitamento total vai corresponder a vivenda en réxime de protección pública, unha porcentaxe moi superior á que se establece pola Xunta para o ano 2019 en concellos de máis de 5.000 habitantes.

Melloras das infraestruturas públicas


Teo conta cun espazo de convivencia en defensa dos dereito LGTBI

05-02-2020

O espazo de convivencia do Concello de Teo está concebido como un espazo que serve de chamada para o respecto dos dereitos das persoas que non son heterosexuais, ou que o seu sexo autopercibido non coincide co determinado bioloxicamente. O respecto pola diversidade sexual é unha das características básicas nunha sociedade democrática xusta.


Cultura porá en marcha un arquivo oral patrimonial do entroido dos Xenerais

05-02-2020

Dende a Concellaría de Cultura traballan na recollida do patrimonio oral dos entroidos dos Xenerais, sendo un dos obxectivos deste mandato. Contarase coas comisións organizadoras das parroquias para facer unha recollida de documentos orais e escritos que posteriormente serán documentados, catalogados e dixitalizados (faranse gravacións dos atranques, das vivas e dos cantares).


O programa Apego ofrece un obradoiro de masaxes para bebés

31-01-2020

O programa Apego ten previsto desenvolver no mes de febreiro un obradoiro de masaxes, impartido por Verónica Couselo os venres 14 e 21, en horario de 17:00 a 19:00 horas, na Biblioteca dos Tilos. A el poden acceder ata 8 familias con bebé ou
na espera de telo. As persoas que asistan ao obradoiro poderán coñecer os beneficios das masaxes para bebés, masaxe shantala e para cólicos e estrinximento, así como primeiros auxilios básicos e realizar prácticas de como facelos de maneira adecuada.