O Informateo de xuño destaca a celebración do Festeo e a problemática da planta de residuos

05-06-2018

O Informateo de xuño recolle nas súas páxinas centrais un dos aspectos que está xenerando moita preocupación e interese nestes días, o proxecto de instalación dunha planta de residuos na Casalonga por parte da empresa Toysal. Neste número do boletín de información municipal infórmase das características do proxecto segundo o presentado pola empresa despois da reclamación do mesmo que se fai dende o Concello.


O Festeo contará coa presenza do grupo de mulleres caboverdianas Batuko Tabanka

05-06-2018

O Festeo , que se celebra este domingo 10 de xuño na carballeira de Francos, contará  este ano con moita música dirixida a un público moi variado. E unha das actuacións da mañá terá como protagonistas a un grupo de mulleres de orixe caboverdiana. Son o grupo Batuko Tabanka que tocará ás 13:30 horas amosándonos unha mostra do folclore de Cabo Verde.


O Concello mantén unha xuntanza con representantes municipais de Ames e Brión pola planta de residuos

31-05-2018

O alcalde de Teo, Rafael Sisto, e a concelleira de Urbanismo, Uxía Lemus, mantiveron esta mañá un encontro con representantes municipais dos Concellos de Ames e Brión para falar do proxecto de instalación dunha planta de residuos na Casalonga. Por parte de Brión asistiu o seu alcalde, José Luis García e dende Ames achegáronse Blas García, concelleiro de Servizos Básicos, e Javier García, edil de Medio Ambiente. 


O pleno votará un programa de subvencións a proxectos que favorecen unha economía baixa en carbono

29-05-2018

A corporación teense reúnese este mércores 30 de maio nunha sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. A sesión tamén se retransmitirá por streaming a través da web municipal.



A infancia pide dende Oviedo que as súas propostas e opinións non sexan de "porcelana"

28-05-2018

Non buscan likes vacíos nin piden móbiles para todos. Os nenos, nenas e adolescentes van en serio: "Fai falla dicir que nós somos o futuro, e non podemos pensar sempre na xente de hoxe, porque dentro de moi poucos anos, nós estaremos ahí, e fai falla escoitarnos dende xa" explica Julia, de 15 anos. Así de claro se expresa a infancia e mocidade despois de participar no Quinto Encontro Estatal de Consellos de Participación Infantil e Adolescente, que se celebrou esta pasada fin de semana en Oviedo.


O Festeo chega o 10 de xuño con todo o tecido asociativo e a actuación de Sés

25-05-2018

O vindeiro domingo 10 de xuño celébrase na Carballeira de Francos (Calo) o FesTeo 2018, a gran festa da sociedade de Teo. Nos últimos días pecháronse os detalles da programación, que comeza ás 12:00 horas. Xusto a esa hora, a primeira actuación será a do grupo de guitarra da Asociación Recreativa e Cultural Os Tilos.

Despois, ás 12:30 horas, intervirán Chévere, Aspamite e a Banda Cultural de Teo. Ás 13:15 horas, ofrecerase unha mostra de break dance e ás 13:30 horas será o momento de ver o grupo Batuko Tabanka, de folclore de Cabo Verde.


A policía local poderá traballar de paisano

23-05-2018

O Concello vén de recibir unha comuniación da Subdelegación do Goberno na que se autoriza a axentes do cadro de persoal da policía local a realizar traballos sen o uniforme reglamentario, o que popularmente se coñece como ir de paisano. O alcalde de Teo, Rafael Sisto, responsable de seguridade deu traslado esta mañá desta autorización ao responsable do departamento da policía local.

Despois da reunión da Xunta de Goberno Local e dos últimos roubos en urbanizacións do Concello acordouse facer esta solicitude como medida para mellorar a seguridade nestas zonas.

 


O Concello informa do proxecto presentado para a instalación dunha planta de reciclaxe na Casalonga

16-05-2018

O Concello vén de convocar unha xuntanza en Calo para informar da solicitude presentada no Concello pola empresa Toysal en relación co proxecto dunha planta de xestión de residuos ubicada na antiga canteira na Casalonga. A promotora do citado proxecto presentou no Concello unha solicitude de compatibilidade urbanística, un trámite dentro da tramitación administrativa que debe realizar na Xunta.


Teo vincula o amor e o galego para celebrar o Día das Letras Galegas

15-05-2018

O Concello de Teo realiza unha acción de normalización lingüística que pretende facer visible a relación de María Victoria Moreno coa lingua galega, que consiste en repartir corazóns entre a comunidade escolar coa lenda “O meu co galego é unha historia de amor”, frase de María Victoria Moreno, autora homenaxeada no Día das Letras Galegas deste ano; ademais disto un globo, tamén con forma de corazón e con idéntica lenda, estará pendurado do teito de centros escolares e edificios municipais, no que a autora viaxa xunto con libros.