O Servizo de Bono Social Eléctrico reanudarase o 3 de setembro de 2025
O Concello licita o contrato de prestación dos programas de conciliación familiar “Teo Madruga” e “Teo Coida” durante os días lectivos, co obxectivo de que as familias poidan harmonizar a súa vida laboral e o coidado de fillos e fillas menores, antes do comezo da xornada lectiva e ao remate desta mediante unha alternativa de ocio.
Así, o contrato sale por un importe de 219.195,14 euros por un período de 22 meses, que abranguería os cursos escolares de 25-26 e 26-27. Os interesados teñen toda a información na Plataforma de Contratación do Sector Público e poderán presentar as ofertas ata o vindeiro 8 de xullo.
Estes dous programas de conciliación desenvólvense nos centros de Educación Infantil e Primaria de Os Tilos, A Ramallosa e A Igrexa-Calo. No caso do Teo Madruga, este desenvólvese dende as 7.30 horas ata o comezo das clases durante todos os días do período lectivo de ensino e ademais do servizo de gardería inclúe tamén o de alimentación para o alumnado interesado. O Teo Coida permite conciliar despois do remate do comedor ata as 18.30 horas.
O número de prazas máximo en cada centro é de 65 nenos ou nenas no caso do Teo Madruga e de 40 no caso do Teo Coida, en cada un dos tres centros de ensino. Porén, deberá haber un mínimo de 4 participantes por centro para poñer en marcha os programas.
