Aberto o prazo para as actividades da Aula de Informática do Concello

22-02-2019

Está aberto o prazo para anotarse nas actividades na Aula de Informática do Concello. As datas das distintas formacións irán de febreiro a agosto abordando temas que van dende a iniciación á informática ata o manexo de ferramentas como OpenOffice, Canva ou Google Maps.

Destinados a persoas empadroadas no Concello de Teo maiores de 16 anos, nas actividades para a infancia e xuventude, as súas idades deberán estar entre os 5 e os 16 anos según o caso.


Reis celebra o entroido no que se poderá ver o Demo

22-02-2019

Este sábado 23 e domingo 24 de febreiro a parroquia de Reis volve sair de entroido. Os xenerais, correos e coros percorrerán as diferentes aldeas acompañados da figura do Demo de Reis, personaxe propia deste parroquia e do noso entroido. Nas dúas xornadas se celebrará o tradicional atranque a última hora da tarde no campo da festa. As coordenadas GPS do campo da festa son as seguintes: 42º 46´ 17.9"/ 8º 33´ 10.1"



Comezan os traballos de variante da DP 8202 en Cacheiras

19-02-2019

As obras de construción da variante da DP 8202 en Cacheiras (Teo), comezarán de xeito inminente. Así llo comunicou o presidente da Deputación, Valentín González Formoso, á concelleira de Urbanismo da localidade, Uxía Lemus, na reunión que mantiveron na sede da institución provincial para ultimar os detalles das obras, que foron adxudicadas o pasado 23 de xaneiro á empresa Eulogio Viñal Obras Y Construcciones por 221.079 euros, un importe ao que hai que sumar os 238.544 euros investidos pola Deputación nas expropiacións necesarias para levar a cabo os traballos.


Constituído o Consello Asesor do Parque Compostela Rupestre, que estrea imaxe corporativa

15-02-2019

Esta mañá quedou constituído o Consello Asesor do Parque Compostela Rupestre, nunha reunión celebrada no Pazo de Raxoi na que estiveron representados os cinco concellos que participan do proxecto (Santiago, Ames, Brión, Teo e Val do Dubra) e máis a Deputación da Coruña. Na xuntanza tamén se presentou a nova imaxe corporativa do parque.




Corte de tráfico de Carballal a Campos de Mirabel o venres 15

13-02-2019

Dende o Departamento de Urbanismo informan do corte de tráfico do viario que comunica Carballal coa Urbanización Campos de Mirabel, este venres 15 en horario de 08:30 horas a 19:00 horas. O motivo son os traballos de acondicionamento da estrada. As persoas residentes na zona non se verán afectadas polo corte. Desculpen as molestias.

Descargue aquí o plano no que se ve o viario afectado.



Teo participa na creación do proxecto Galego empresas

06-02-2019

Teo participa, xunto con Santiago e Ames no proxecto #Galegoempresas, un directorio de empresas radicadas nos tres municipios que ofrecen produtos e servizos en galego. O obxectivo é "poñer en valor aqueles negocios nos que a nosa lingua adquire visibilidade, e facer un recoñecemento á calidade na atención por parte destes negocios", apuntou o alcalde de Santiago, Martiño Noriega, na presentación da iniciativa.