TeoBus

En setembro, xuntanzas para estudar novas rutas do TeoBús

02-09-2019

O Concello convoca este mes de setembro catro xuntanzas coa veciñanza do sur e o leste do municipio para estudar unha proposta de novas rutas do TeoBús. Os encontros recollerán as necesidades de cada zona para o servizo municipal de mobilidade, tanto en frecuencias como en lugares de paso.

A primeira reunión será o 5 de setembro na Casa Común de Teo para as parroquias de Bamonde, Teo e Vilariño. Seguirán as xuntanzas na Casa Común de Reis o día 12, na Casa Común de Lampai o día 19 e na Casa Común de Rarís o 26. Todas están previstas para as 20.00 horas.

pelotas

Xa está dispoñible a oferta das escolas deportivas e culturais para o vindeiro curso

26-08-2019
As actividades deportivas e culturais para o curso 2019-2020 xa está dispoñible para a consulta polas persoas interesadas co fin de facilitar a xestión temporal destas. O prazo de inscrición comezará o 2 de setembro e estenderase ata o vindeiro 14 do mesmo mes. Así mesmo se algunha actividade excede o número da súa oferta as prazas serán sorteadas publicamente.
Exposición mulleres

O CIM solicita axuda para crear unha exposición sobre o papel das mulleres

21-08-2019

Poñer en valor o traballo feminino é unha das liñas de actuación da Concellaría de Igualdade como parte importante da visibilización das mulleres deste concello. Téñense realizado homenaxes ás leiteiras ou ás costureiras e agora queremos que nos axudedes coa montaxe dunha exposición e dunha creación audiovisual que recolla as imaxes e/ou testemuños do traballo das mulleres de Teo.

anxel casal

O Concello celebra o acto de homenaxe a Ánxel Casal

16-08-2019

O Concello celebra o luns 19 de agosto o acto de homenaxe a Ánxel Casal, cando se cumpren 83 anos do seu asasinato coindidindo coas primeiras semanas do levantamento militar do ano 36. Esta homenaxe pública contará coa presenza institucional dos Concellos de Santiago e Arzúa. 

Dende as 20:00 horas na Estivada da Ribeira, en Cacheiras, a concelleira de Cultura, Maite Argibay, conducirá un acto no que se quere honrar a memoria do último alcalde republicano de Compostela ademais de lembrar a todas as vítimas represalidadas no 36.  

canteira Casalonga

O Concello remite a Minas un novo informe ao Plan de restauración da canteira

13-08-2019

O Concello de Teo vén de remitir ao Departamento de Minas da Xunta de Galicia o informe solicitado o pasado 18 de xullo sobre o plan de restauración presentado por Toysal para a concesión da explotación "Casalonga" número 6996. Podes consultar o informe técnico enviado dende o Concello premendo aquí. 

capamento xuvenil

Máis de 70 rapaces e rapazas participan no campamento xuvenil municipal

01-08-2019

Máis de 70 rapaces e rapazas participan no campamento xuvenil municipal este ano. Esta mañá saíron dende a Casa do Concello ás 09:30 horas e teñen por diante unha semana de convivencia na zona de Santa Cruz de Oleiros. Asistiu a despedilos a concelleira de Mocidade, María López, que mañá tamén visitará as instalacións do Albergue "Lar a Mercé" no que estáran ata o día 9 de agosto. 

casa do concello

A corporación reúnese na sesión plenaria do mes de xullo

30-07-2019

A corporación teense reúnese este mércores 31 na sesión ordinaria do mes de xullo. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.