As imaxes do San Martiño 21 que realizaron na feira do ano pasado os fotógrafos Noel Feáns, Óscar Corral e Charo Lopes xa teñen o seu espazo virtual para desfrute de todos/as, na web Ollares do San Martiño. Podedes entrar no espazo Ollares do San Martiño premendo aquí
Benquerida veciñanza, estamos de festa, chegou a Feira de Francos!
A voz da infancia e adolescencia escoitouse durante esta fin de semana no Séptimo Encontro Estatal de consellos locais de participación, que este ano volveu a reunir de forma presencial a órganos de participación infantil e adolescente de toda España. Teo foi unha das localidades representadas esta pasada fin de semana en Cáceres coa asistencia de Irene Iglesias, Alejandra Rodríguez e Lea González que estiveron acompañadas pola educadora familiar do Concello, Eva López.
A programación festiva do San Martiño 22 comeza este sábado 5 de novembro co concerto de Treixadura. A formación de música tradicional galega ofrecerá un concerto ás 21:00 horas para o que non é preciso retirar entrada. Só hai que vir con ganas de desfrutar e pasalo ben. A actuación será na zona do cruceiro de Francos, antes da entrada á carballeira. Nesa xornada a previsión é que xa haxa instaladas carpas de polbo. O concerto de Treixadura está co financiado pola Deputación da Coruña.
Feiriña
O mércores 26 de outubro celébrase o pleno ordinario. O horario será ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
Volve o San Martiño cunha ampla programación festiva. Esta tradicional cita co mundo do cabalo, que se celebra o 11 de novembro na carballeira de Francos terá diferentes actividades nos días previos e nas xornadas posteriores. A música e o cabalo serán os dous ingredientes que protagonizan o cartel.
María López, concelleira de Turismo, destaca que este ano traballaremos para darlle ao cabalo o lugar que merece na feira. A música en directo cos concertos de Treixadura e Boyanka Kostova, será elemento destacado da gran feira teense.
Xornadas sobre cría
O Sergas vén de comunicar ao Concello que nas vindeiras dúas semanas a atención sanitaria do consultorio de Pontevea se vai trasladar ao centro de saúde de Cacheiras. Dende os servizos técnicos municipais trasladouse a necesidade de acometer unha obra no edificio de Pontevea que fai inviable continuar coa actividade asistencial alí neste momento. Esta mesma mañá visitaron o imoble técnicos da Xunta e representantes municipais.
As bolsas de ensino e transporte para este curso escolar publicáronse no BOP do venres 14 de outubro. Dende o día da publicación contará o prazo de 20 días ábiles para presentar as solicitudes de axuda.
As bases completas, así como o formulario, poderanse consultar no apartado de Convocatorias da web teo.gal ou premendo aquí.
Onte xoves, día 13 de outubro, o propietario da empresa Toysal e das canteiras da Casalonga, presentou pola sede electrónica do concello a “comunicación previa” preceptiva para o peche da antiga estrada entre A Casalonga e Cornide que atravesa as canteiras.
O alcalde, Rafael Sisto, acompañado do seu grupo de goberno mantivo unha reunión informativa coa veciñanza da zona da Casalonga para informar das últimas novidades sobre a cuestión da canteira e a problemática coa empresa Toysal. Comezou explicando que "estamos aquí polo compromiso de informar, despois daquela xuntanza realizada no mes de xuño".