O Concello limpa a carballeira da Tomada cunha superficie de 10.000 metros cadrados

06-08-2020

O Concello está limpando a finca da Tomada, na parroquia de Calo, cunha superficie de 10.308 metros cadrados e que ata o momento estaba completamente invadida pola maleza. A carballeira pertencía á igrexa e no convenio marco que se asinou co Arcebispado de Santiago en decembro do 2018 acordouse a compra da mesma para poder recuperar este espazo verde para o uso público. 


As actividades ao aire libre para un público familiar centran a oferta cultural de agosto

05-08-2020

A programación cultural deste mes de agosto está centrada en espectáculos para un público familiar ao aire libre. Segundo indican dende a Concellaría de Cultura, dirixida por Mayte Argibay, "a seguridade nestes momentos é fundamental e na nosa oferta tivemos en conta realizar propostas con cultura de Teo en entornos nos que poidamos garantir as medidas de seguridade". De feito unha das apostas desta área que continúa en agosto, o autocine, cumpre con esta idea, a da cultura segura. 


O grupo do campamento xuvenil sae cara Oleiros

03-08-2020

O grupo de mozos e mozas do campamento xuvenil sairon esta mañá dende a Casa do Concello cara Santa Cruz de Oleiros, onde estarán ata o 11 de agosto. María López, concelleira de Mocidade estivo na saída e indica que "este ano, despois de tantos meses de confianmento, máis ca nunca a mocidade precisa destas actividades de conexión co entorno e tamén de socialización". A concelleira destaca tamén que "a seguridade e os protocolos de protección fronte a covid-19 son a nosa principal preocupación nesta e en todas as actividades programadas". 


Os Diverteos realizanse en máis espazos para garantir as medidas de protección

03-08-2020

O Diverteo, a actividade de conciliación municipal que se oferta para nenos/as de 3 a 12 anos, estase realizando este verán adaptada á nova normalidade e ás medidas de protección fronte á covid-19. Unha das principais novidades é a separación dos grupos en máis espazos físicos. Ignacio Iglesias, concelleiro de Benestar, indica que "este ano aproveitando que as escolas infantís municipais permanecen pechadas ata setembro optamos por usar estas instalacións propias para os grupos dos máis pequenos/as". 



O CIM programa un obradoiro de musicoterapia para traballar no autocoidado da muller

03-08-2020

O Centro de Información á Muller, dependente da Concellaría de Igualdade, prepara un obradoiro de musicoterapia que se realizará os días 25 de agosto, e o 1 e o 8 de setembro en horario de mañá, de 10:30 a 12:30 horas. A actividade farase no Auditorio municipal Constante Liste. O prazo de inscrición estará aberto do 3 ao 21 de agosto e para anotarse pódese enviar un correo electrónico a cim@teo.gal ou chamar ao número 981.938.475.


Turismo abre un punto de información turística en Francos

31-07-2020

A concellaría de Turismo abriu un Punto de información turística na Casa Común de Francos, no entorno da carballeira de Francos, durante os meses de verán. Este espazo está ubicado no trazado do Camiño Portugués unha vía que, como a maioría dos camiños, conta cada ano con máis visitantes.

Iria Otero, concelleira de Turismo, explica que "apostamos por abrir este punto tres meses durante este verán  como experiencia piloto de cara a detectar as necesidades do turismo que trae esta ruta". A oficina funciona de luns a domingo en horario de 07:00 a 14:00 horas.


O goberno informa sobre a reunión con Toysal á Plataforma e convoca un pleno por este tema

30-07-2020

O alcalde de Teo, Rafael Sisto, e a concelleira de Urbanismo, Uxía Lemus, reuníronse con representantes da Plataforma Casalonga Limpa de Residuos para informar da entrevista do pasado venres no Concello co representante da empresa Toysal. Como xa se publicou na web municipal o mesmo día informouse de que a xuntanza non tivera ningún tema ou petición concreta. 


O Concello licita unha senda peonil de San Domingos ao centro de saúde e a reurbanización do núcleo de Sestelo

28-07-2020

O Concello de Teo investirá 642.328,93 euros na construción dunha senda peonil na parroquia de Calo e na reurbanización do núcleo de Sestelo (Rarís). As obras, en fase de licitación ata o 5 de agosto, contarán cunha achega de 574.531,31 euros a cargo do Plan único da Deputación da Coruña mentras os 67.797,62 euros restantes serán achegados por fondos proipios do concello.


O Concello concede 27.300 euros en bolsas de ensino a case 300 solicitantes

28-07-2020

O Concello de Teo concedeu bolsas de ensino e transporte na súa convocatoria anual por un importe de 27.324 euros, case 6.000 euros máis que o ano pasado. Este ano ademais o pago fíxose en dúas partes debido á situación creada pola crise sanitaria xa que a tramitación se estaba retrasando pola suspensión de prazos administrativos. As solicitudes que tiñan a documentación completa puideron pagarse no mes de maio facendo efectivo o pago de 20.071 euros. As peticións que non tiñan toda a documentación presentada e tiveron que subsanar pagáronse recentemente por un importe de 7.252 euros.