O Concello organiza un Mercado de produtos artesáns nos Tilos na véspera do Nadal

16-12-2020

Nos días previos ao Nadal realizarase un mercado de produtos artesáns nos Tilos impulsado pola área de Desenvolvemento Local e Turismo. O mercado será na praza circular dos Tilos os días martes 22 e mércores 23 de decembro de 17:00 a 20:30 horas. Segundo indica a concelleria, María López, "será un momento para coñecer mellor a nosa artesanía e produto local e tamén facer os últimos encargos de agasallos de Nadal". 


Teo presenta o seu Nadal cultural 2020 cargado de actvidades e cunha innovadora Autocabalgata de Reis

11-12-2020

A concelleira de Cultura, Mayte Argibay, presentou o Nadal Cultural 2020 xunto coas empresas que colaboran na posta en marcha deste programa nas que destacan Augavá de Aurora García artista plástica e artesana e Tapicería Ares con Marcos Ares na plasmación do Recuncho Cultural e na posta en marcha coa novedosa Autocabalgata Emesports de Ezequiel Mosqu


O Apalpador acompáñanos na carballeira de Francos

11-12-2020

O Apalpador xa comezou cos seus labores do Nadal e saíu das devesas do Courel para achegarse a zonas máis baixas e coidar das crianzas galegas. Nesa viaxe atopou uns cabaliños espallados polas rutas de Teo, xa que o San Martiño deste ano foi ben diferente tamén para eles. Con bo traballo conseguiu reunilos e acabou por pastorear a toda a remuda. Finalmente encontroulles un emprazamento ben axeitado na carballeira de Francos.



Toysal ten en vigor un plan de restauración que non lle permite traer lixo de fóra

09-12-2020

O alcalde, Rafael Sisto, e a concelleira de Urbanismo, Uxía Lemus, mantiveron unha xuntanza nos últimos días coa Xefatura Territorial da Consellería de Economía, Industria e Innovación, responsable da política mineira. A reunión co Xefe Territorial, Isidoro Martínez, tiña por obxecto estudar o expediente de expropiación do camiño público que cruza a canteira da Casalonga ademais de falar doutros aspectos relacionados coa xestión de Toysal neste tema.



Mocidade programa un obradoiro de coroas vexetais de Nadal

07-12-2020

A concellaría de Mocidade presenta un Obradoiro de coroas vexetais de Nadal para as vacacións escolares dentro do programa QuedaTeo. Será para a rapazada de 10 a 20 anos o mércores 23 de decembro na Casa Común de Oza. Haberá dúas quendas: de 11:00 a 12:20 horas e de 12:40 a 14:00 horas. A actividade é de balde e podes anotarte enviando un correo electrónico a mocidade@teo.gal indicando o nome completo, teléfono de contacto e no caso de precisar transporte a parada de bus solicitada. As prazas adxudicaranse por orde de entrada dos e-correos. 


O Concello repartirá 5.000 euros en premios na campaña de apoio ao comercio local

03-12-2020

A Concellaría de Desenvolvemento Local e Turismo, dirixida por María López, presenta a campaña de apoio ao comercio local "Tamén no Nadal coidamos do local" con premios por valor de 5.000 euros. “Este ano máis ca nunca consideramos imprescindible este pulo a un sector moi castigado pola pandemia” explica López. “O comercio de Teo está formado, na súa maior parte, por autónomos e microempresas que levan meses cunha situación difícil e queremos facer unha aposta inequívoca cunha campaña como nunca se realizou en Teo” indica a edil.


O Concello lembra que a emisión de certificados de empadronamento é de balde

03-12-2020

O Concello lembra que a emisión de certificados de empadroamento é de balde e non se cobra nada por eles. Esta mañá, pola chamada dun veciño, detectouse unha práctica pouco ética. Parece que hai portais en internet (como os da imaxe que acompaña a nova) que están cobrando unha cantidade económica pola tramitación de certificados de empadronamento que a administración non cobra. Estarían cobrando uns cartos por unha xestión que é de balde e a maiores moi sinxela de realizar.


Ata o 11 de decembro podes participar no concurso de postais Debuxa o Nadal

03-12-2020

A Concellaría de Cultura ten en marcha, un ano máis, o concurso de postais Debuxa o Nadal no que poderán concursar todos os nenos e nenas que estean empadroados no Concello de Teo con idades de 0 a 12 anos. Cunha dimensión máxima de 21x15 centímetros, presentarase un debuxo de temática libre xunto coa expresión dun desexo que teña clara relación co Nadal.

Cada postal deberá ter escrito pola parte traseira os seguintes datos: nome e apelidos, idade, teléfono, curso e colexio.

Categorías e premios: