A Xunta amplía o prazo para a limpeza nas faixas de especial protección ata o 16 de xullo

30-04-2020

A Xunta publicou unha resolución no DOG do 29 de abril pola que amplía o prazo para a xestión da biomasa nas parcelas incluídas nas faixas de especial protección de núcleos. Os/as propietarias teñen ata o 16 de xullo para realizar a limpeza. Podes consultar a orde premendo aquí


Promoción Económica prepara un directorio dos establecementos comerciais de Teo

30-04-2020

A Concellaría de Promoción Económica quere realizar un directorio dos establecementos de Teo que van comezar a abrir nas diferentes fases do plan de desescalada. Nestes momentos é máis importante ca nunca poder mercar no comercio de proximidade. Iria Otero, a concelleira responsable de Comercio destaca que "queremos traballar nese directorio para difundir de xeito que a cidadanía saiba onde atopar en Teo os produtos que precisa".


O Punto Limpo municipal volve a funcionar dende o 5 de maio

29-04-2020

O Punto Limpo municipal volverá a funcionar dende o próximo 5 de maio. Pero farao con cita previa para evitar que se xunten varias persoa no mesmo espazo e deste xeito poder garantir as medidas de protección necesarias pola crise sanitaria da Covid-19. Esta instalación municipal levaba pechada dende o decreto do estado de alarma xa que ao non estar permitida a libre circulación non tiña sentido mantelo aberto. Sen embargo, diante do documento publicado polo goberno estatal para a desescalada acordouse que volva a funcionar dende a semana próxima.


Mantense o programa de apoio escolar e amplíase o servizo de fotocopias ao alumnado de FP e universidades

29-04-2020

No mes de marzo a Concellaría de Educación e Cultura, consciente das dificultades dalgún alumnado para continuar o curso escolar, puxo en marcha o Servizo de Apoio Escolar en colaboración co tecido educativo: centros educativos e ANPAS. Neste servizo deuse resposta a máis de 200 demandas de familias para que o alumnado puidese seguir coa súa actividade lectiva.



O Concello contratará a dúas persoas para o servizo de xardíns cun contrato de cinco meses a través do PEL

28-04-2020

O Concello contratará a dous xardineiros/as durante cinco meses a xornada completa a través do Programa de Integración Laboral (PEL) subvencionado pola Deputación da Coruña. A selección do persoal farase mediante oferta pública de emprego no Servizo Público de Emprego de Galicia (SPEG) polo que o luns 4 de maio farase a petición de perfiles de xardinería ao citado servizo para poder realizar a contratación o antes posible.



Flexibilízanse as condicións para que os/as agricultores/as poidan realizar os desprazamentos ás súas leiras

28-04-2020

O Diario Oficial de Galicia (DOG) de hoxe, martes 28 de abril, publica unha Orde da Consellería de Medio Rural que afecta directamente aos desprazamentos que se poden realizar para traballar as hortas, tanto as persoas agricultoras profesionais (dadas de alta no Rexistro de Explotacións Agrarias de Galicia -REAGA-), como as persoas que teñan hortas ou cultivos de autoconsumo.


A Fegamp recomenda deixar os contedores coa tapa pechada

27-04-2020

A Fegamp enviou unha circular informativa sobre a decisión de ter os contedores coa tapa aberta ou pechada nesta crise sanitaria. A recomendación da Fegamp é telos pechados, como se está facendo no Concello.

A contaminación de coronavirus polo contacto directo coas tapas dos contedores pódese evitar co uso de luvas cando se vaia depositar o lixo, botando un xel hidroalcólico e lavando as mans con auga e xabón. Estas medidas son efectivas e evitan a exposición da poboación aos riscos sanitarios derivados de deixar as tapas dos contedores abertas.


Dendo hoxe os/as nenos/as poden saír e hai certas normas que debemos ter en conta

26-04-2020

Dende hoxe 26 de abril pódese saír cos nenos e nenas á rúa.  Ante esta situación a Concellaría de Educación e Cultura editou un cartel onde se informa ás familias e ós/ás nenos e nenas teenses, dunha serie de recomendacións básicas de seguridade que hai que respectar para levar a cabo estes paseos con máis protección e tranquilidade para todos/as. Invitámosvos a compartilo entre os vosos contactos para achegalo a todas as familias teenses.