O departamento de Educación vén de publicar a listaxe de solicitudes das bolsas de ensino e transporte que deben emendar documentación. O prazo para facelo está aberto dende o 11 ao 24 de xaneiro de 2023. As persoas que non acheguen a documentación solicitada en prazo perderán o dereito á axuda.
A lista das solicitudes que deben corrixir ou achegar algún documento pódese consultar premendo aquí
Dende a Concellaría de Educación, dirixida por María López, programouse unha obra que vai mellorar
a seguridade peonil no contorno do IES de Cacheiras. Esta actuación estaba comprometida coa Anpa
dende o pasado verán.
A tarde do 5 de xaneiro será, de novo, unha tarde máxica e chea de ilusión para as crianzas en Teo. Dende a área de Cultura infórmannos de que veñen de recibir "un comunicado dende Oriente que nos anuncia que un ano máis as súas Maxestades, Os Reis Magos de Oriente, visitarán o día 5 de xaneiro o noso Concello, para saudar a todos os nenos e as nenas, familias e maiores".
O mércores 28 de decembro celébrase o pleno ordinario. O horario será ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
Entre os asuntos que se debaterán está a prórroga do convenio para a xestión do Servizo de atención temperá que se realiza co Concello de Ames e conta con financiamento da Xunta de Galicia.
O Nadal en Teo conta este ano cun Bosque de noso que ten unha particularidade moi especial, precisa da colaboración comunitaria para alumear. O bosque de inverno está formado por árbores, réplicas das árbores de noso que están instaladas nas áreas comerciais, e varios animais. Ao carón do recuncho navideño hai varias bicicletas que sirven para alumear as figuras. Así que se visitas o bosque de noso vén con folgos para pedalear e alumear este espazo de Nadal.
As árbores de noso son un dos elementos centrais da progamación de Nadal do Concello de Teo. E este ano veñen cunha sorpresa literaria. Cada árbore contará un conto dunha escritora teense. "Trátase dun proxecto do que nos sentimos moi orgullosas xa que podemos amosar unha parte da riqueza cultural do Concello e vinculala con estas datas de Nadal" destaca María López, concelleira de Cultura.
O Concello vende 20 parcelas, todas edificables. O anuncio desta venda vén de publicarse no Boletín Oficial da Provincia do 14 de decembro, unha publicación que abre o prazo para presentar ofertas.
As árbores de noso volverán a colocarse en oito áreas comerciais do Concello durante estes días. Trátase dunhas estruturas realizadas por un artesán local que xa se instalaron o ano pasado. A idea é que a decoración desas árbores se faga en comunidade. Dende o Concello prográmase unha inauguración os días 16 e 17 de decembro animando a achegarse con algún adorno para as árbores.
As inauguracións contarán con cantos de Nadal de asociacións de Teo nos seguintes lugares e horarios o próximo venres 16 e sábado 17.
Venres 16. 18:00 horas.
A programación cultural de decembro está protagonizada pola maxia e pola música e moi centrada na oferta para as crianzas.
Os primeiros sábados de mes tivemos festival de maxia. Este sábado 17 queda a función do Mago Romarís con catro pases para que todas as crianzas poidan achegarse, nos seguintes horarios: ás 17:00, 18:00, 19:00 e 20:00 horas. O espectáculo "Maxia en familia" será no Auditorio Municipal Constante Liste e para participar hai que inscribirse premendo aquí
A Deputación da Coruña oferta 11 prazas en Teo para participar na campaña de neve. Este ano o prazo para solicitar algunha das prazas remata o venres 16 de decembro. Podes descargar a ficha de inscrición aquí e entregala por rexistro, ben físico ou electrónico antes desa data.
No caso de que haxa máis solicitudes ca prazas farase un SORTEO PÚBLICO o MARTES 20 ás 10:00 horas no salón de plenos.