A Xunta Local de Seguridade aproba o protocolo para que a policía local se incorpore ao VIOGEN

09-04-2019

A Xunta Local de Seguridade de Teo aprobou hoxe o protocolo de coordinación entre garda civil e policía local elaborado na Comisión Técnica sobre Violencia de Xénero para a incorporación da policía local ao VIOGEN (Sistema de seguimento integral dos casos de violencia de xénero). A xuntanza estivo presidida pola Subdelegada do Goberno, Pilar López-Riobóo, e o alcalde de Teo, Rafael C. Sisto Edreira.


O censo electoral poderase consultar entre o 8 e o 15 de abril

09-04-2019

Diante da convocatoria das eleccións locais e europeas, que se celebrarán o 26 de maio, a Oficina do Censo Electoral comunica aos Concellos que o prazo de exposición pública do Censo Electoral será entre os días 8 e o 15 de abril. Nese prazo, os interesados poderán achegarse ao Concello a comprobar os seus datos e proceder a reclamacións se é preciso.



Teo volve a colaborar no proxecto Enreguéifate

29-03-2019

Xa está en marcha unha nova edición do proxecto Enreguéifate, impulsado polos concellos de Teo, Santiago e Ames para promocionar o uso do galego a través da improvisación oral en verso. O próximo luns abre o prazo de inscrición para presentar os vídeos ao certame de regueifas, e comezan tamén os obradoiros de improvisación nos centros educativos de Compostela.


O CIM organiza Mulleronas, un programa de teatro-estima os meses de abril e maio

26-03-2019

O CIM organiza Mulleronas, un programa de teatro-estima os xoves de abril e maio no Auditorio Municipal Constante Liste de 11:30 a 13:15 horas. Para participar hai que anotarse chamando ao Centro de Información á Muller de Teo ao número: 981.938.475. A actividade está dirixida a mulleres e é de balde.



A carreira pedestre Batalla de Cacheiras celébrase o 13 de abril

25-03-2019

A Carreira Pedestre conmemorativa da Batalla de Cacheiras celébrase este ano o sábado 13 de abril.
As carreiras escolares xa se disputarán pola mañá (10:30 h) nos Tilos. Pola tarde vanse desenvolver
a andaina (16:30 h) e a carreira (17:30 h) no percorrido de nove quilómetros polo trazado histórico
da contenda de 1846, que comeza en Bamonde e chega ata o cumio de Montouto.

Proba conmemorativa


Teo súmase á conmemoración do día do Síndrome de Down

21-03-2019

O Concello de Teo súmase á conmemoración do 21 de marzo, Día da Síndrome de Down, como xeito
de apoiar o labor que desenvolven as entidades que traballan para conseguir unha mellor calidade
de vida das persoas con esa característica.
As principais iniciativas que se realizarán co gallo da xornada terán como escenario os centros escolares
do municipio. Ademais de difundir un cartel que lembra a data, o Concello promoverá a proxección
dun vídeo nos colexios e entregará pulseiras conmemorativas para cada alumno ou alumna.


O Concello preocupado polo inicio da actividade na canteira da Casalonga

20-03-2019

O goberno municipal de Teo amósase moi preocupado polo inicio de explotación da canteira "Casalonga" número 6996, na parroquia de Calo. O alcalde, Rafael Sisto, e a concelleira de Urbanismo, Uxía Lemus, achegáronse á zona onde puideron comprobar que había persoal da Dirección Xeral de Minas da Xunta de Galicia e a Directora Facultativa da explotación, persoal de Toca Salgado, a empresa propietaria dos dereitos de explotación.