A Fundación Rosalía de Castro, coa que o Concello de Teo mantén un convenio de colaboración, facilita a visita de particulares á casa museo ás persoas empadroadas neste Concello de maneira gratuíta nos próximos meses, mentres as medidas contra a Covid non permitan as visitas guiadas para grupos.
Esta tarde na Praza dos encontros, na Ramallosa, preséntase o documental "Teo, semente de vencer", un vídeo sobre os recursos socioculturais de Teo. No acto intervirán a concelleira de Cultura, Mayte Argibay, e Ignacio Seijo, director da productora Xurdir, que elaborou o traballo audiovisual.
O acto público comeza ás 21:00 horas e o aforo será limitado seguindo as recomendacións sanitarias. Polo que as persoas interesadas en asistir deben comunicalo por correo electrónico a cultura@teo.gal.
A Concellaría de Deportes programa rutas de sendeirismo para todos os meses do ano. En setembro arranca esta programación que nos permitirá coñecer un pouco mellor o Concello. Doce meses para doce carreiros por Teo que agardemos que se convirtan en paseos habituais para moitos deportistas.
As escolas culturais repiten a oferta da anterior edición a pesar da dificultade que supón a situación sanitaria causada pola Covid-19. A formación será presencial en todas as escolas e cumprirán coas condicións sanitarias necesarias para poder levalas a cabo en cada momento. No caso de que non se puidera levar a cabo a oferta presencial por causa dalgunha incidencia, seguirían coa formación en liña, tal e como ocorreu no anterior curso.
O curso 2020-21 será un curso especial para a práctica deportiva e as escolas e actividades necesitan adaptar os seus protocolos para axustarse á realidade sanitaria que exista en cada momento.
O Concello abre este venres 28 o prazo de inscrición no ‘Teo Madruga 2020-21’. Este é un servizo de conciliación laboral e familiar no que poderá participar o alumnado dos centros públicos escolares do municipio. Desenvolverase nos colexios de Calo, A Ramallosa e Os Tilos, con actividade desde as 7:30 horas ata o inicio das clases.
O Concello de Teo aposta pola continuidade do programa Vives Emprega que posibilita traballar na busca de traballo a persoas desempregadas. Aínda que desta vez, e debido á actual situación de COVID-19, aposta pola formación en liña e semipresencial para dar soporte ás persoas que decidan formar parte deste programa.
Esta mañá saiu o grupo do campamento infantil cara Santa Cruz de Oleiros. Os nenos e nenas foron despedidos polos pais e nais e tamén estivo a concelleira de Mocidade na foto de familia feita xusto antes de subir ao autobús. O campamento, no que finalmente participan 25 nenos/as de idades entre os 7 e os 12 anos, durará ata o día 22 de agosto.
O grupo pasará os vindeiros días nun albergue de Santa Cruz de Oleiros atendendo as medidas medidas de hixiene e protección imprescindibles pola crise sanitaria. O campamento xuvenil xa se realizou no mesmo espazo en días pasados.
O Concello de Teo volve a participar este ano na limpeza simultánea dos ríos que impulsa Adega dentro do proxecto Ríos. Trátase dunha xornada na que centos de voluntarios e voluntarias saen aos seus ríos para recoller o lixo que atenta contra a riqueza, valor e beleza dos nosos ecosistemas fluviais. Miles de quilos de refugallos xa foron extraídos de moitos ríos galegos polos voluntarios que teñen participado en todos estes anos. Esta iniciativa cumpre xa trece anos.