O 6 de maio Teo volve a celbrar a Carreira Pedestre Batalla de Cacheiras cun percorrido que lembra os acontecementos históricos da Batalla de Cacheiras. Deste xeito a carreira absoluta terá un percorrido de 9 quilómetros dende a reitoral de Bamonde ata o alto de Montouto, na Pena Escorredía.
(EDITADO) A primeira xornada da fase previa do Club de debate que se celebrou este venres 21 de abril en Teo rematou co triunfo do equipo "Xente que fala" do IES do Milladoiro, do Concello de Ames. Tamén pasan á final os equipos "Ames a palabra" do IES de Ames (Concello de Ames) e o equipo do CPI Eusebio Lorenzo Baleirón do Concello de Dodro.
O Concello de Vilagarcía acolleu esta mañá a presentación do programa de actividades para os vindeiros meses de Alingua, Asociación de Entidades Locais pola Lin
Este venres, 14 de abril, ás 11.15 horas dará comezo no Auditorio de Galicia, en Santiago de Compostela, a Gala Enreguéifate-Regueifesta. Un acto no que se entregarán os premios Enreguéifate, o certame de regueifas impulsado polos concellos de Ames, Carballo, Pontevedra, Santiago de Compostela e Teo que pon así o broche de ouro á súa sexta edición. Unha trintena de centros de ensino de toda Galicia participarán activamente neste Encontro Regueifesta ao que tamén asistirá alumnado improvisador chegado de centros educativos de Euskadi e Cataluña.
Diante da convocatoria das eleccións locais, que se celebrarán o 28 de maio de 2023, a Oficina do Censo Electoral comunica aos Concellos que o prazo de exposición pública do Censo Electoral será do 10 ao 17 de abril. Nese prazo, os interesados poderán achegarse ao Concello a comprobar os seus datos e proceder a facer as reclamacións que foran necesarias.
O Concello acada a súa segunda homologación para unha das rutas de sendeirismo que temos en Teo. Trátase da ruta PR-G 256 Per camiho de Lampai. Os traballos de sinalización que permiten contar con esta certificación fixéronse nas últimas semanas e isto permitirá que este sendeiro teña unha maior difusión entre as persoas afeccionadas a camiñar.
O Delas Fest celebra o seu quinto aniversario cunha programación estendida ata o mes de setembro.
As artistas urbanas Eloise Gillow, Amaia Arrazola, Julieta XLF e Doa Oa serán as encargadas de realizar os catro novos murais do festival feminista de arte urbana e contextual que, nesta edición especial, contará con obradoiros para familias, roteiros, coloquios e proxeccións, entre outras actividades.
Teo participa de novo neste festival de arte urbana con perspectiva de xénero e a urbanización dos Tilos é a zona elixida para realizar un mural no mes de setembro.
O alcalde de Teo, Rafael Sisto, e o conselleiro de Sanidade, Julio García Comesaña, asinaron un convenio de colaboración que permitirá a construción dun novo centro de saúde no concello de Teo esta mañá. Na sinatura estiveron acompañados polo delegado territorial da Coruña, Gonzalo Trenor, e pola xerente da área sanitaria de Santiago e Barbanza, Eloína Núñez,
O mércores 29 de marzo celébrase o pleno ordinario. O horario será ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
A Tomada é unha finca municipal ubicada na parroquia de Calo que forma parte dunha pequena rede de espazos naturais do Concello de Teo, o HabitaTEO que foron pensados con criterios ecolóxicos, é dicir, de todo o ecosistema.