Aínda quedan prazas vacantes en varias escolas culturais municipais

01-10-2019

As escolas culturais municipais comezan un novo curso coincidindo co 1 de outubro. Sen embargo hai varias disciplinas que aínda contan con prazas vacantes. Concretamente programación, precirco, guitarra nivel medio I e II e artes plásticas (consultar horario). Se estás interesado nalgunha destas actividades podes presentar a ficha de inscrición no rexistro do Concello.


O censo electoral pode consultarse entre o 30 de setembro e o 7 de outubro

30-09-2019

Diante da convocatoria das eleccións a Cortes Xerais 2019, que se celebrarán o 10 de novembro, a Oficina do Censo Electoral comunica aos Concellos que o prazo de exposición pública do Censo Electoral será entre os días 30 de setembro e o 7 de outubro. Nese prazo, os interesados poderán achegarse ao Concello a comprobar os seus datos e proceder a facer as reclamacións que foran necesarias.


O pleno setembro vota a adhesión ao Pacto polo clima e a enerxía

24-09-2019

A corporación teense reúnese este mércores 25 na sesión ordinaria do mes de setembro. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí


O Concello remite o seu informe no prazo de avaliación de impacto ambiental do plan de restauración da explotación Casalonga

19-09-2019

O Concello de Teo vén de remitir o informe técnico dentro do procedemento de avaliación ambiental do plan de restauración da concesión de explotación Casalonga II número 6996. A Xunta solicitaba emisión de informe sobre o procedemento de impacto ambiental con data 20 de agosto dando un prazo dun mes para facelo. 

Podes consultar o informe completo premendo aquí



O Concello apoia a campaña #Emerxenciafeminista

17-09-2019

O Concello de Teo apoia a campaña #Emerxenciafeminista promovida polas organizacións de mulleres e participa da acción prevista para o 20 de setembro en todo o País. En Teo farase unha concentración ó carón da Casa do Concello este venres 20 ás 21:00 horas. Seguindo as indicacións dos movementos feministas coincidindo con esa data iluminarase unha das fachadas do edificio de violeta. Animamos á cidadanía a participar neste acto reivinvidicativo nunha semana marcada polo triplo asasinato machista de Valga.


Minuto de silencio en repulsa polo triplo asasinato de Valga

17-09-2019

O Concello de Teo convoca un minuto de silencio para condenar o triplo asasinato machista de Valga. A concentración será hoxe martes 17 ás 12:00 horas diante da Casa do Concello e animamos á cidadanía a amosar a súa repulsa contra a violencia machista #Teoennegro

Este venres tamén participamos, a instancias dos movementos feministas, da Noite violeta cunha concentración ás 21:00 horas no Concello. 


O Concello mellora as instalacións da escola infantil dos Tilos

03-09-2019

O Departamento de Benestar, dirixido por Ignacio Iglesias, realizou obras de mantemento e mellora das instalacións da escola infantil municipal dos Tilos. Trátase dun dos tres centros públicos do Concello de Teo de educación para nenos/as de 0 a 3 anos e o que ten as instalacións máis antigas. 

Durante o mes de agosto, no que o centro estivo pechado para poder realizar as obras, cambiouse o chan das aulas e o comedor onde se instalou tarima flotante e cambiouse a cociña instalando mobles e electrodomésticos novos. O investimento achegouse aos 12.000 euros. 


En setembro, xuntanzas para estudar novas rutas do TeoBús

02-09-2019

O Concello convoca este mes de setembro catro xuntanzas coa veciñanza do sur e o leste do municipio para estudar unha proposta de novas rutas do TeoBús. Os encontros recollerán as necesidades de cada zona para o servizo municipal de mobilidade, tanto en frecuencias como en lugares de paso.

A primeira reunión será o 5 de setembro na Casa Común de Teo para as parroquias de Bamonde, Teo e Vilariño. Seguirán as xuntanzas na Casa Común de Reis o día 12, na Casa Común de Lampai o día 19 e na Casa Común de Rarís o 26. Todas están previstas para as 20.00 horas.