O Concello licita unha senda peonil de San Domingos ao centro de saúde e a reurbanización do núcleo de Sestelo

28-07-2020

O Concello de Teo investirá 642.328,93 euros na construción dunha senda peonil na parroquia de Calo e na reurbanización do núcleo de Sestelo (Rarís). As obras, en fase de licitación ata o 5 de agosto, contarán cunha achega de 574.531,31 euros a cargo do Plan único da Deputación da Coruña mentras os 67.797,62 euros restantes serán achegados por fondos proipios do concello.


O Concello concede 27.300 euros en bolsas de ensino a case 300 solicitantes

28-07-2020

O Concello de Teo concedeu bolsas de ensino e transporte na súa convocatoria anual por un importe de 27.324 euros, case 6.000 euros máis que o ano pasado. Este ano ademais o pago fíxose en dúas partes debido á situación creada pola crise sanitaria xa que a tramitación se estaba retrasando pola suspensión de prazos administrativos. As solicitudes que tiñan a documentación completa puideron pagarse no mes de maio facendo efectivo o pago de 20.071 euros. As peticións que non tiñan toda a documentación presentada e tiveron que subsanar pagáronse recentemente por un importe de 7.252 euros.


O pleno ordinario votará un suplemento de crédito para reducir débeda

28-07-2020

A corporación teense reúnese este mércores 29 de xullo nunha sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa. Poderase ver en directo a través da canle de youtube do Concello premendo aquí.

Un dos puntos da orde do día contempla a aprobación dun suplemento de crédito con carto ao remanente líquido de tesourería para reducir débeda bancaria. 

A orde do día ten os seguintes puntos: 


O goberno municipal atende unha solicitude de reunión de representantes de Toca Salgado

24-07-2020

Hoxe tivo lugar no concello de Teo unha reunión entre persoal municipal e os representantes de Toca Salgado SL (Toysal). A entrevista foi solicitada á Alcaldía por D. Víctor Manuel Toca, e nela estiveron presentes, ademais do Alcalde Rafael Sisto e Víctor Manuel Toca, a Secretaria Xeral, o Arquitecto municipal, a concelleira de Urbanismo, Uxía Lemus, así como un asesor legal da empresa.


Augas de Teo pide que as labores de rega se reduzan ou se fagan de madrugada

24-07-2020

O servizo municipal de Augas de Teo está detectando nas últimas semanas, e moi especialmente nestes últimos días, un exceso de demanda de auga motivado, en gran medida, polo rego de xardíns e zonas de cultivo. Esta alta demanda, que se concentra entre as 19:00 e 00:00 horas, causa que determinados lugares que se encontran nas zonas altas do Concello de Teo, e que en condicións normais teñen menos presión de auga, se queden con moi pouca presión de auga ou directamente sen ela. 


O Concello de Teo coloca indicadores para peregrinos no Camiño da Geira e dos Arrieiros

23-07-2020

O Concello de Teo, a través da Concellaría de Cultura e Patrimonio, vén de colocar indicadores para peregrinos no Camiño da Geira e dos Arrieiros. Deste xeito quere colaborar en obter o recoñecemento da ruta por parte da Xunta de Galicia. 

Dende a área de Patrimonio da Concellaría de Cultura, procedeuse nas últimas semanas, a limpeza e desbroce do Camiño da Geira e dos Arrieiros, labor que rematou coa colocación esta semana, de máis de 50 postes indicadores ao longo do citado camiño ao seu paso polo Concello de Teo. 



O autocine chega a Cacheiras con Maimiño, unha película na que participa Xoán Curiel

22-07-2020

O autocine de Teo está levando o cine por todas as parroquias do Concello. Esta iniciativa da Concellaría de cultura pretende ofertar un ocio seguro para este verán marcado pola covid-19. Este venres 31 de xullo teremos unha sesión moi especial coa película Maimiño en Cacheiras. Neste filme participa o música e veciño Xoán Curiel. 


O Concello programa observacións astronómicas o 25 de xullo e o 7 de agosto

20-07-2020

O Concello participa de novo no programa de coñecemento da astronomía impulsado polo Observatorio Ramón María Aller da USC. Trádicionalmente esta iniciativa tiña o nome de Todocosmos e nesta edición leva por nome A astronomía nas Rutas Xacobeas. Pero o obxectivo é o mesmo, achegar o mundo da astronomía á poboación xeral. Neste ocasión hai programadas dúas observacións para o sábado 25 de xullo e para o venres 7 de agosto.