Os traballos de mellora nas Edares obrigan a un vertido controlado con medidas correctoras

18-03-2021

Nos próximos días o servizo municipal de Augas de Teo fará traballos de mellora no sistema de aireación da Estación Depuradora de Augas Residuais (EDAR) de Calo obrigando a verter ao río auga sen un tratamento completo. A previsión é que os traballos duren ao redor de catro días. As tarefas que se van executar na planta potabilizadora están enmarcadas dentro das obras de mellora da eficiencia enerxética.


Compostela Rupestre avanza na promoción da riqueza arqueolóxica dos concellos de Teo, Ames, Santiago de Compostela, Brión e Val do Dubra

17-03-2021

O vicepresidente da Deputación da Coruña, Xosé Regueira, e o deputado de Patrimonio, Xosé Luís Penas, xunto con representantes dos concellos de Teo, Ames, Santiago de Compostela, Brión e Val do Dubra participaron na xuntanza do consello directivo do parque que se desenvolveu por vez primeira no concello de Teo que asume por un ano a presidencia da entidade.


A audiencia provincial atende a apelación de Toysal

11-03-2021

O Concello vén de recibir o auto da Audiencia Provincial da Coruña sobre a apelación de Toca Salgado pola denuncia por prevaricación que o Xulgado de Instrucción nº 1 de Santiago tiña arquivado no mes de xaneiro. Aquel auto do Xulgado de Santiago tiña prazo de recurso e neste momento infórmase ás partes de que a Audiencia Provincial estima o recurso de apelación interposto pola representación de Toysal e déixase sen efecto o sobreemento acordado. 



As forzas políticas teenses apoian a petición de que o comedor dos Tilos sexa xestionado pola Xunta

04-03-2021

As forzas políticas de Teo (SondeTeo, PSdeG-PSOE, PP e BNG) apoiaron a moción que se debateu no pleno celebrado onte en favor da petición da Anpa Cobas do CEIP Os Tilos de solicitar á Xunta de Galicia que asuma a xestión do comedor escolar neste centro. Este apoio foi unánime votando todos os grupos a favor desta petición da comunidade educativa. 

O acordo adoptado di literalmente: 



O pleno votará os orzamentos municipais para o 2021

02-03-2021

A corporación teense reúnese este mércores 3 de marzo na sesión ordinaria correspondente ao mes de febreiro. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí



Autónomos e microempresas de Teo van recibir máis de 280.000 € en axudas do PEL

02-03-2021

O Departamento de Desenvolvemento Local e Turismo xa publicou a concesión definitiva das axudas do PEL reactiva, un programa de apoio a autónomos e pequenas empresas que se realiza co financiamento conxunto da Deputación da Coruña e do Concello.

En Teo en total presentáronse 170 solicitudes de axuda, das que finalmente se concederon 147, posto que dúas renunciaron á axuda e o resto non cumpría as condicións da convocatoria. A concelleira de Desenvolvemento Local e Turismo, María López, destaca “a importancia destas axudas para sectores moi afectados pola pandemia da Covid-19”.


O Concello entregará atrante para velutina os meses de marzo e abril

01-03-2021

Comeza o mes de marzo e comeza a campaña de prevención e control da nespra asiática que dende hai varios anos se realiza no Concello. Durante os meses de marzo a abril farase reparto de doses de líquido atraente contra a velutina para que as persoas particulares poidan realizar trampeo nas súas propiedades. As entregas faranse os sábados na nave de Protección Civil en Lucí de 09:00 a 14:00 horas. A entrega é de balde pero é só para persoas empadroadas en Teo. Entregaráselle á veciñanza do municipio polo que se pedirá o DNI ou algún documento que xustifique a residencia.