O TSXG desestima o recurso presentado por Viaqua contra a liquidación do contrato e deberá pagar o concello máis de millón e medio de euros

25-01-2019

No momento no que se liquidou o contrato con Aquagest (antiga concesionario do servizo de saneamento e abastecemento do Concello), contrato que posteriormente foi declarado nulo de pleno dereito, esta non aceptou o cálculo da intervención municipal. Mentres que a liquidación da Intervención municipal estimaba que Aquagest debía uns dous millóns de euros ao concello, Viaqua (novo nome comercial de Aquagest) consideraba que o concello lle debía case catro millóns e medio.


O neno teense Jesús Angueira intervén na Comisión da Infancia e Adolescencia do Congreso dos Deputados

24-01-2019

A Comisión da Infancia e Adolescencia do Congreso dos Deputados por terceiro ano consecutivo tomou nota das ideas e propostas que teñen os nenos e nenas do estado sobre como construír unha sociedade mellor para todos. A consolidación destes encontro parlamentarios, nos que o Congreso dos Deputados abre as súas portas para escoitar a xuventude evidencia a importancia crecente que ten o dereito á participación diante do órgano lexislativo estatal.


Abre o prazo para inscribirse no curso de graduado en ESO

18-01-2019

O Concello abre o prazo para anotarse no curso de preparación das probas para o obtención do título de Graduado en ESO. As solicitudes para participar como alumno/a está aberto dende o luns 21 de xaneiro ata o 8 de febreiro. Xunto coa solicitude hai que presentar unha copia do DNI no Rexistro Xeral. Descarga aquí o impreso de solicitude que tamén podes recoller nas oficinas municipais.





Pagamento do 2º trimestre das escolas municipais culturais e deportivas

08-01-2019

Os Departamentos de Cultura e Deportes informan do segundo prazo de pagamento das escolas municipais culturais e deportivas correspondentes ao segundo trimestre. O pagamento pódese facer do 16 ao 31 de xaneiro e o importe son 20 euros. O resgardo do pago hai que envialo ou entregalo en cultura@teo.gal ou deportes@teo.gal. O impreso de pagamento podes descargalo premendo aquí


O Concello abre a inscrición para a campaña de esquí da Deputación

27-12-2018

O Concello abre o prazo para anotarse na Campaña de inverno de esquí promovida pola Deputación da Coruña. Este ano Teo conta con 8 prazas e a quenda asignada é a primeira, dende o 25 ao 28 de xaneiro de 2019. Esta actividade, que quere achegar a práctica deste deporte aos máis pequenos/as, está dirixida a nenos/a de 11 a 15 anos inclusive (cupridos a 31 de decembro de 2019). Terán preferencia as persoas que non teñan participado en ningunha edición anterior desta iniciativa.


ActivaTeo desprega as súas propostas para 2019

26-12-2018

O programa ActivaTeo, do Departamento de Benestar Social do Concello, reforza as súas actividades en 2019. Están pensadas para que as persoas maiores ou con discapacida de poidan ter espazos de relación, realicen exercicio físico moderado e efectúen tarefas de estimulación cognitiva. Deste xeito reforzan a súa capacidade física e mental de manter unha vida indepentente, evitando na medida do posible que o paso dos anos non signifique un empeoramento da súa calidade de vida.