O Departamento de Deportes informa da apertura do prazo para que as entidades deportivas locais interesadas poidan solicitar o uso dos pavillóns municipais dos Tilos, Calo e A Ramallosa para realizar actividades deportivas durante o período comprendido entre outubro de 2021 e xuño de 2022.
A rapazada inscrita no campamento xuvenil partiu esta mañá dende a Casa do Concello cara Santa Cruz de Oleiros, onde estarán ata o 11 de agosto. A concelleira de Mocidade, María López, acompañou a saída e comenta que "agardamos que a rapazada desfrute destes días de desconexión nun contorno seguro, xa que nos tempos que corren a mocidade precisa de espazos de convivencia e socialización".
O Departamento de Benestar abreu o prazo para solicitar o Diverteo Setembro, que se realizará do 1 ao 8 de setembro, 6 días lectivos.
Xoán Curiel presenta o seu novo disco, Treides comigo!, en Teo. Será o 27 de agosto na Burga de Xermeade ás 19:00 horas. A actuación contará coa participación de Iris Gey e traen unha proposta chea de maxia e lirismo nun dos espazos naturais do Concello de Teo máis fermosos. A entrada é de balde pero hai que reservar no teléfono 981.941.036 ou escribindo a entradascultura@teo.gal.
A corporación teense reúnese este mércores 28 de xullo en sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.
O Concello pon en marcha unha nova edición do Vives Emplea, en colaboración coa entidade Acción contra el Hambre. Trátase dun programa dirixido a persoas desempregadas, orientado a aumentar a motivación na búsqueda de traballo ademais de mellorar as competencias e habilidades das persoas desempregadas. A través do traballo en equipo búscase por en valor as capacidades das persoas participantes para que poidan acadar os seus obxectivos.
O Departamento de Benestar municipal, que xestiona os servizos de conciliación, quere lanzar unha mensaxe de tranquilidade ás familias usuarias do CEIP dos Tilos que non sexan atendidas no comedor escolar, que vai comezar a xestionar a Xunta dende o mes de setembro.
A Concellaría de Cultura oferta, dentro da programación de xullo, un obradoiro de radio, youtuber e podcast este venres 16 de agosto de 11:00 a 20:00 horas na Piscina dos Tilos. A actividade, impartida por Fran Cañotas, é de balde e nela poderase aprender a crear unha radio virtual dende cero así como saber cal é o material necesario ou o software que se precisa para comezar. Para asistir hai que anotarse escribindo a entradascultura@teo.gal. O taller está dirixido a rapazada maior de 10 anos.
O Concello de Teo quérese sumar á celebración do 50 aniversario da rehabilitación da Casa Rosalía neste 15 de xullo, cando ademais se conmemora o 136 aniversario do pasamento da escritora. Esta tarde a Fundación Casa Rosalía organizou un acto de celebración ao que asistirá o alcalde de Teo, Rafael Sisto.
A terceira edición do Delas Fest, impulsado por 7H Cooperativa Cultural, suma unha nova intervención artística a cada vez máis ampla galería de obras feministas e contextuais da área de Compostela.