A corporación teense reúnese este mércores 25 na sesión ordinaria do mes de setembro. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.
O Concello de Teo vén de remitir o informe técnico dentro do procedemento de avaliación ambiental do plan de restauración da concesión de explotación Casalonga II número 6996. A Xunta solicitaba emisión de informe sobre o procedemento de impacto ambiental con data 20 de agosto dando un prazo dun mes para facelo.
Podes consultar o informe completo premendo aquí
A corporación teense reúnese este xoves 19 nunha sesión extraordinaria. O debate plenario terá lugar en horario de tarde, ás 19:15 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.
Orde do día:
O Concello de Teo apoia a campaña #Emerxenciafeminista promovida polas organizacións de mulleres e participa da acción prevista para o 20 de setembro en todo o País. En Teo farase unha concentración ó carón da Casa do Concello este venres 20 ás 21:00 horas. Seguindo as indicacións dos movementos feministas coincidindo con esa data iluminarase unha das fachadas do edificio de violeta. Animamos á cidadanía a participar neste acto reivinvidicativo nunha semana marcada polo triplo asasinato machista de Valga.
O Concello de Teo convoca un minuto de silencio para condenar o triplo asasinato machista de Valga. A concentración será hoxe martes 17 ás 12:00 horas diante da Casa do Concello e animamos á cidadanía a amosar a súa repulsa contra a violencia machista #Teoennegro
Este venres tamén participamos, a instancias dos movementos feministas, da Noite violeta cunha concentración ás 21:00 horas no Concello.
O Departamento de Benestar, dirixido por Ignacio Iglesias, realizou obras de mantemento e mellora das instalacións da escola infantil municipal dos Tilos. Trátase dun dos tres centros públicos do Concello de Teo de educación para nenos/as de 0 a 3 anos e o que ten as instalacións máis antigas.
Durante o mes de agosto, no que o centro estivo pechado para poder realizar as obras, cambiouse o chan das aulas e o comedor onde se instalou tarima flotante e cambiouse a cociña instalando mobles e electrodomésticos novos. O investimento achegouse aos 12.000 euros.
O Concello convoca este mes de setembro catro xuntanzas coa veciñanza do sur e o leste do municipio para estudar unha proposta de novas rutas do TeoBús. Os encontros recollerán as necesidades de cada zona para o servizo municipal de mobilidade, tanto en frecuencias como en lugares de paso.
A primeira reunión será o 5 de setembro na Casa Común de Teo para as parroquias de Bamonde, Teo e Vilariño. Seguirán as xuntanzas na Casa Común de Reis o día 12, na Casa Común de Lampai o día 19 e na Casa Común de Rarís o 26. Todas están previstas para as 20.00 horas.
O Departamento de Deportes do Concello de Teo informa que está aberto o prazo para presentar as solicitudes de uso das instalacións deportivas municipais para a tempada 19/20, que vai dende o 1 de outubro de 2019 ata o 30 de xuño de 2020.
Poñer en valor o traballo feminino é unha das liñas de actuación da Concellaría de Igualdade como parte importante da visibilización das mulleres deste concello. Téñense realizado homenaxes ás leiteiras ou ás costureiras e agora queremos que nos axudedes coa montaxe dunha exposición e dunha creación audiovisual que recolla as imaxes e/ou testemuños do traballo das mulleres de Teo.