A Concellaría de Cultura lanza a iniciativa "Rosalía en 2 minutos" para conmemorar o día de Rosalía, que se celebra o 24 de febreiro. Se queres recitar un texto ou poesía de Rosalía de Castro podes gravarte en vídeo e envialo ata o 22 de febreiro para compartilo dende as redes sociais de Cultura.
A Concellaría de Educación, dirixida por Mayte Argibay, en colaboración coa Asociación BolboreTEA de Familias Teenses para a neurodiversidade, aproveitan o 18 de febreiro, día Internacional do síndrome de Asperger, para difundir entre a veciñanza esta realidade que viven moitas familias.
O concello de Teo recibiu está mañá unha notificación asinada polo Secretario Xeral Técnico da consellería de Educación na que, escapando de toda argumentación xurídica ou normativa, pretende aparcar ou delegar as súas competencias no ámbito educativo xa que, máis alá de que a Xunta de Galicia considere o comedor un servizo complementario, a competencia segue sendo da administración autonómica.
Adif publica o anuncio polo que se somete a información pública, a efectos de declarar a necesidade de ocupación, o "Proxecto de protección acústica do Eixe Atlántico de Alta Velocidade no tramo: Padrón-A Coruña". O período de exposición pública e alegacións remata o 4 de marzo de 2021.
O Concello de Teo, a través da responsable de Educación, Mayte Argibay, reiteroulle esta mañá á directiva da Anpa Cobas do Ceip dos Tilos a disposición a seguir traballando conxuntamente para a búsqueda dunha solución á problemática do comedor do centro. O colexio dos Tilos está sen comedor dende este mes de setembro, despois de que as imposicións da Xunta pola crise sanitaria, fixeran inviable para a Anpa seguir coa xestión deste servizo.
O Concello executou o afirmado e acondicionamento do viario municipal en Lamas, na parroquia de Bamonde. Trátase dunha obra financianda por Agader, a través do Plan marco de mellora de camiños municipais de acceso a parcelas agrícolas, anualidade 2020-2021. A obra estaba orzamentada en algo máis de 40.000 euros.
A policía local de Teo desarticulou, nas últimas semanas, ata tres puntos de consumo e venda de droga na zona urbana do Concello. Realizáronse vixiancias especiais no entorno de Montouto e Os Tilos e detectáronse grupos de mozos comprobando que existe consumo e venda a pequena escala. Esto conlevou a identificación de varias persoas, algunha delas menor de idade.
A hostalaría adáptase á situación que nos toca vivir pola crise sanitaria. E en tempo de entroido, ata 12 establecementos da Hostalaría de Teo, presentan o seu menú especial para levar. Trátase dun menú, na maioría dos casos para recoller no local centrado no cocido e nas filloas e orellas típicas destes días. Sen embargo cada un establece a súa oferta, coas súas peculiaridades, e tamén o seu prezo. Así podemos atopar pratos de lamprea, bandullo, tostas, empanadas pero na maioría ofértase cocido completo ou simple.
Este ano a crise sanitaria obriga a quedar sen Entroido dos Xenerais da Ulla. Con todo, dende o Concello estanse facendo diversas actividades para homenaxear esta tradición tan importante en moitas parroquias de Teo.
A policía local de Teo, dentro das tarefas de control que están realizando por mor da crise sanitaria, vén de tramitar unha denuncia contra unha empresa de restauración por servir comida no interior do recinto. Trátase dunha área de servizo da AP-9 situada no Concello de Teo xestionada por unha empresa catalana.