Celébrase o pleno ordinario de novembro no que tomará posesión o novo concelleiro do BNG

24-11-2020

O mércores 25 de novembro celébrase o pleno ordinario ás 20:00 horas no salón de plenos. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa. Poderase ver en directo a través da canle de youtube do Concello premendo aquí.

Nesta sesión tomará posesión D. Manuel Barreiro Rozados como concelleiro da corporación polo BNG despois da renuncia de Manuel Anxo Fernández Baz.



Teo volve a tinguirse de negro no 25N

23-11-2020

O Concello de Teo participa un ano máis na campaña En negro polo 25 de novembro, Día Internacional contra a violencia de xénero. Trátase dunha campaña de visibilización na que participa o comercio e entidades e entidades de Teo. Este ano un dos materiais que se reparten co lema da campaña serán mascarillas de protección, un elemento que neste momento todas as persoas debemos usar pola cuestión sanitaria. 


O Concello habilita un servizo presencial de atención durante a exposición pública da ampliación da AG-59

19-11-2020

A Xunta de Galicia vén de publicar o anuncio polo que se somete ao trámite de información pública o estudo de impacto ambiental e a separata do proxecto de construción denominado "Actualización do proxecto de construción: autovía AG-59 A Ramallosa-enlace PO-841, de clave GA/18/104.01", así como a relación individual de bens, dereitos e propietarios afectados. Consulta aquí o anuncio completo. 


Desenvolvemento Local prepara un directorio do comercio de Teo

19-11-2020

A Concellaría de Desenvolvemento Local, dirixida por María López, prepara un directorio do comercio do Concello. A idea é "ter unha guía de servizos de Teo nun momento no que é máis importante ca nunca facer un consumo responsable e de proximidade, para o que precisamos coñecer toda a oferta dos establecementos teenses" indica a concelleira. A idea é poder publicar e difundir este directorio a primeiros de decembro. 


O 25 de novembro remata o prazo para pedir as axudas do PEL Reactiva Teo para autónomos e microempresas

13-11-2020

Abre o prazo para pedir as axudas do PEL Reactiva Teo dirixido a persoas autónomas, con ou sen traballadores/as ao seu cargo, e microempresas que viran afectada a súa actividade pola pandemia da Covid-19. O prazo para pedir as axudas comeza o 14 de novembro e remata o 25 de novembro ás 14:00 horas e a tramitación só pode facerse de xeito electrónica a través da sede electrónica do Concello.


O festival Atlántica presenta en Teo o evento "Polo San Martiño contos en liña: Contos sorprendentes"

10-11-2020

Coincidindo coa celebración de San Martiño en Teo, o Festival Atlántica de narración oral ofrece unha función da narradora oscense Sandra Aragúas que será retransmitida en liña polas redes sociais das bibliotecas (https://es-es.facebook.com/bibliotecas.municipais.deteo/) e de Cultura de Teo (https://www.facebook.com/pg/culturaconcellodeteo). O evento comeza este martes, 10 de novembro, a partir das 16 horas, e leva o título de ‘Polo San Martiño contos en liña: Contos sorprendentes’.