A concelleira de Educación, María López, vén de confirmarlle á dirección do CRA de Teo o remate dos traballos na escola unitaria da Casalonga. Nos últimos meses fixéronse obras de mellora neste centro que se achegaron aos 50.000 euros. A partida máis importante foi para o reforzo estrutural do edificio, de xeito que se poida usar a planta alta do mesmo.
O 8 de marzo celébrase o día internacional da muller e en Teo sae á rúa de novo a Lilá, unha caravana que se converte nun Centro da información á muller (CIM) móbil para traballar no ámbito da igualdade.
Este mércores 1 de marzo celébrase o pleno ordinario. O horario será ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.
O programa Cidades Amigas da Infancia púxose en marcha en España no ano 2001 contando co apoio do Ministerio de Dereitos Sociais e Axenda
O acalde de Teo, Rafael Sisto, e a concelleira María López, mantiveron unha xuntanza esta mañá cun grupo de veciños e veciñas de Lucí en relación co posible uso de aparcadoiro do espazo posterior á casa común. O rexedor comprometeuse coa veciñanza a non utilizar ese espazo como estacionamento e estudar a humanización do mesmo, atendendo ás necesidades da poboación da parroquia.
O domingo 26 de febreiro celébrase a proba ciclista "O gran camiño", nunha etapa que vai de Ames a Santiago e percorre boa parte do concello de Teo. Isto implicará o peche total das vías de comunicación polas que pasa a carreira dende as 11:00 ata as 15:00 horas.
PERCORRIDO DA CARREIRA (contrarreloxo) E CORTES DE TRÁFICO
O Concello vén de presentar alegacións en relación co proxecto "Mellora de accesibilidade e conectividade das paradas de autobús na RAEG na zona su ATM de Santiago". O documento enviado á Axencia Galega de Infraestruturas, promotora desta iniciativa financiada con fondos Next Generation EU, recolle o espíritu da proposta aprobada no pleno celebrado o 9 de febreiro no que se pedía que a Xunta revise a localización daquelas paradas que teñen unha localización complexa, e que non melloran a seguridade e accesibilidade peoníl.
Teo e Ames prestan conxuntamente o Servizo de Atención Temperá dende novembro do 2021. Rematado o primeiro ano de funcionamento xa se acadan os 110 casos vinculados ao servizo. A valoración da actividade deste servizo é moi positiva entre as familias beneficiarias, outorgando unha puntuación global media do servizo de 4,82 sobre 5 puntos.
Dende o departamento de Obras informan que nestes días se están realizando traballos de asfaltado na rede viaria. Explican que as condicións meteorolóxicas dos últimos meses, con semanas de moitas choivas, impediron realizar novos asfaltados nas estradas municipais.
Este xoves 9 de febreiro celébrase un pleno extraordinario. O horario será ás 20:00 horas no salón de plenos. O debate plenario terá lugar en horario de tarde como é habitual. Poderase ver en directo a través da canle de youtube do Concello premendo aquí.