O Concello abre o prazo para solicitar praza nas escolas infantís municipais (EEIIMMs) de Teo para o vindeiro curso 2021-22. Teo conta con tres centros públicos, as escolas infantís de Calo, Os Tilos e A Ramallosa.
A corporación teense reúnese este mércores 3 de marzo na sesión ordinaria correspondente ao mes de febreiro. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.
Ao longo deste ano executaranse no Concello de Teo unha senda peonil e ciclista por valor de preto de 2 millóns de euros. O proxecto dotará dunha importante mobilidade ás parroquias do sur e do centro do municipio. Os gastos destas obras financiaranse a través de fondos Feder e dunha liña de axudas do IDAE.
O Departamento de Desenvolvemento Local e Turismo xa publicou a concesión definitiva das axudas do PEL reactiva, un programa de apoio a autónomos e pequenas empresas que se realiza co financiamento conxunto da Deputación da Coruña e do Concello.
En Teo en total presentáronse 170 solicitudes de axuda, das que finalmente se concederon 147, posto que dúas renunciaron á axuda e o resto non cumpría as condicións da convocatoria. A concelleira de Desenvolvemento Local e Turismo, María López, destaca “a importancia destas axudas para sectores moi afectados pola pandemia da Covid-19”.
Comeza o mes de marzo e comeza a campaña de prevención e control da nespra asiática que dende hai varios anos se realiza no Concello. Durante os meses de marzo a abril farase reparto de doses de líquido atraente contra a velutina para que as persoas particulares poidan realizar trampeo nas súas propiedades. As entregas faranse os sábados na nave de Protección Civil en Lucí de 09:00 a 14:00 horas. A entrega é de balde pero é só para persoas empadroadas en Teo. Entregaráselle á veciñanza do municipio polo que se pedirá o DNI ou algún documento que xustifique a residencia.
A Concellería de Educación do Concello de Teo, informa da apertura do prazo para a matriculación do alumnado nos centros de ensino do municipio:
As novas medidas anunciadas pola Xunta de Galicia permiten a reapertura da pisicina municipal da Ramallosa. Segundo se establece na orde publicada no DOG número 38 bis do 25 de febreiro en Concellos coma Teo permítese o uso deportivo das piscinas ao aire libre ou cubertas cunha ocupación máxima do 30%.
Deste xeito dende este venres 26 de febreiro volve a funcionar a instalación, tanto a piscina como a zona de ximnasio sempre coas medidas preventivas necesarias.
A publicación no DOG do 25 de xaneiro do Plan de hostalaría segura da Comunidade Autónoma de Galicia fai que a Policía Local de Teo, poña en marcha actuacións especiais enfocadas á colaboración no cumprimento deste plan. Deste xeito nestes días ponse en marcha un servizo de axentes de paisano que levarán a cabo labores de información e explicación das medidas ao sector hostaleiro.
As obras de reurbanización do núcleo de Sestelo, que comezaron hai unhas semanas, están provocando nestes días cortes de tráfico e acceso para non residentes. Esta obra pertence ao POS+ 2019 e conta cun orzamento de execución de case 200.000 euros e un prazo para realizala de catro meses. Estas obras provocarán cortes de acceso ao núcleo que lle afectarán sobre todo a persoas non residentes.
A Concellaría de Lingua lanza a campaña "Un libro, unha flor" para celebrar o Día de Rosalía, que coincide coa data de nacemento da autora, o 24 de febreiro. A idea é que por cada libro que se merque nas librarías de Teo os días 22, 23 e 24 de febreiro o Concello entregará unha flor como agasallo.
As librarías participantes na campaña son a Librería d´Ana na Ramallosa e a Vagoneta Educativa en Cacheiras. Se queres reservar algún libro ou que cho poidan encargar os teléfonos destes locais son os seguintes: