O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
Os vindeiros días 22 e 23 de febreiro, a representante do Consello Climático Asesor Xuvenil de Teo, Irene Iglesias, viaxará a Bruxelas para coñecer de primeira man o funcionamento do Parlamento e outras institucións europeas. Neste senso, reunirase coa parlamentaria Sara Cerdas e visitará a Dirección Xeral de Partenariado Internacional, así como o Foro Europeo da Xuventude.
Con esta experiencia, enmarcada no proxecto People&Planet, preténdese que a mocidade participe activamente e teña voz nas políticas contra a crise climática e poida intercambiar experiencias das diferentes accións que se levan a cabo a nivel local en toda Europa.
Cabe destacar que Irene Iglesias Valuja é membro do Consello Climático Xuvenil de Teo e tamén do Consello Local de Infancia e Adolescencia de Teo.
