Incorpórase unha nova traballadora social ao centro de saúde de Cacheiras en quenda de tarde

Dende hoxe incorpórase unha nova traballadora social ao centro de saúde de Cacheiras, complementando así os servizos sanitarios prestados en Teo e reforzando a atención aos veciños e veciñas do municipio. Faráo en quenda de tarde e dous días á semana. 

Precisamente, esta mañá a alcaldesa, Lucía Calvo de la Uz, reuníuse coa xerente da Área Sanitaria de Santiago de Compostela e Barbanza, Eloína Núñez, para abordar posibles melloras estruturais nos distintos centros sanitarios que ten o municipio. Coincidindo coa súa visita ao centro médico de Cacheiras, a alcaldesa e a xerente aproveitaron para saúdar e coñecer á nova traballadora social.