A FUNCIÓN TEATRAL "NOITEBOA" CHEGA A TEO CON MELA CASAL, ESNESTO CHAO E GUILLERMO CARBAJO

05-10-2015
Este venres 6 de novembro, o Auditorio da Ramallosa de Teo, acollerá, a partir das 20:30 h, unha representación do espectáculo “Noiteboa” da compañía Redrum Teatro. Producido co apoio da Xunta de Galicia e estreada o pasado 17 de setembro no Teatro Principal de Santiago, “Noiteboa” é unha traxicomedia que transcorre durante a noite do 24 de decembro en Compostela.

A PROGRAMACIÓN CULTURAL DE TEO EN OUTUBRO CÉNTRAS NO TEATRO CON OITO FUNCIÓNS

02-10-2015
A obra “As do Peixe”, un espectáculo para adultos que honra a memoria das traballadoras das conservas, abre mañá o VIII Mes do teatro do Concello de Teo que se desenvolverá durante este mes. Mañá, sábado 3 ás 21:00 horas no CSC da Ramallosa, poderase ver a montaxe de Abrapalabra Creacións Escénicas que obtivo os premios María Casares ao mellor texto orixinal, á mellor dirección e á mellor actriz protagonista. Tamén se fixo co premio do público do Festival internacional de teatro de Ribadavia.

O DEPARTAMENTO DE MOCIDADE ORGANIZA UN OBRADOIRO DE INICIACIÓN AO BREAKDANCE NO INSTITUTO

30-09-2015
O Departamento de Mocidade do Concello de Teo, dirixido por Ignacio Iglesias, organiza un obradoiro de iniciación ao breakdance. A actividade está dirixida a mozos/as de 14 a 20 anos e será de balde. Para participar só hai que anotarse chamando ao teléfono do Concello 981 809 707.

O MERCADO DO ALIMENTO LABREGO CELEBRA A CHEGADA DO OUTONO CUNHA FESTA O SÁBADO 3 DE OUTUBRO

29-09-2015
O Mercado do alimento labrego de Teo celebra este sábado 3 de outubro a chegada do outono cunha festa. Para esto dende a Asociación do mercado planificáronse algunhas actividades como música ao vivo, actividades para os/as máis pequenos/as ou postos de artesanía convidados. E esto sen esquecer o maior reclamo do mercado, os mellores produtos de tempada de hortas de Teo e da contorna.

O PLENO VOTARÁ A LIQUIDACIÓN DO CONTRATO DE VIAQUA QUE EVIDENCIA UNHA DÉBEDA DE DOUS MILLÓNS DE EUROS A FAVOR DO CONCELLO

23-09-2015
A corporación teense reúnese este xoves 24 de setembro en sesión ordinaria. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa. A sesión tamén se retransmitirá por streaming a través da web municipal, premendo no banner En directo, na marxe dereita da portada.

PUBLÍCANSE AS LISTAXES DE PERSOAS ADMITIDAS NAS ESCOLAS CULTURAIS E DEPORTIVAS MUNICIPAIS

21-09-2015
Os departamentos de Cultura e Deportes veñen de publicar as listaxes de persoas admitidas nas escolas municipais. Consulta aquí a listaxe das persoas admitidas nas escolas culturais Consulta aquí a listaxe das persoas admitidas nas escolas deportivas O prazo para realizar o pagamento e entregar o xustificante vai dende o 21 ao 29 de setembro, ambos incluídos.


O CLUB SAN FRANCISTO TEO ACOLLE NOS TILOS Á ELITE DO KARATE ESPAÑOL E PORTUGUÉS

17-09-2015
O 19 e 20 de setembro de 2015, a localidade de Os Tilos volverá a acoller a celebración dunha nova edición do PROXECTO MUNDIAL, concentrando na localidade teense á elite do karate español e portugués. Una iniciativa avalada pola Real Federación Española de Karate (RFEK) coa intención de preparar a aqueles deportistas con opcións de participar no Campionato do Mundo CD/JR/SUB-21, que se celebrará o próximo mes de novembro en Iakarta (Indonesia)

O DEPARTAMENTO DE BENESTAR QUERE PÓR EN MARCHA UN PROGRAMA DE EXERCICIO FÍSICO E PSICOSOCIAL PARA ENFERMOS CRÓNICOS

17-09-2015
O Departamento de Benestar do Concello de Teo, dirixido por Ignacio Iglesias, está preparando un programa de actividade física para enfermos crónicos e os seus familiares. O deseño do programa Bule con Alcer estase realizando coa colaboración de Alcer, Asociación para a loita de enfermidades do ril.

O ALCALDE DE TEO CENTRA NA SEGURIDADE, O TRANSPORTE E A MUNICIPALIZACIÓN DE SERVIZOS OS EIXES DE COLABORACIÓN NA COMARCA

14-09-2015
O alcalde de Teo, Rafael Sisto, mantivo este mediodía unha xuntanza co alcalde de Compostela, Martiño Noriega, no que se falou dos eixes que deben centrar a colaboración intermunicipal na comarca. Seguridade cidadá, transporte, municipalización e coordinación de servizos así como colaboración en políticas culturais ou de benestar “son os temas sobre os que debemos falar entre os Concellos da contorna, sendo ambiciosos, xa que se queremos unha política distinta, por exemplo, en materia de transporte dentro dunha década temos que comezar a planificala agora” explica o rexedor teense.