O 1 DE SETEMBRO INICIA O PRAZO PARA INSCRIBIRSE NA XVIII LIGA DE FÚTBOL SALA E PARA SOLICITAR OS PAVILLÓNS DEPORTIVOS MUNICIPAIS

28-08-2015
Os equipos que desexen participar na XV Liga de Fútbol Sala Concello de Teo teñen de prazo ata o vindeiro 18 de setembro para formalizar a inscrición nesta competición. O Concello de Teo abre tamén un prazo de tempo para solicitar o uso dos pavillóns municipais de Calo, Os Tilos e A Ramallosa durante o período comprendido entre 1 de outubro ao 31 de maio.

A ANDAINA TEENSE DO PROGRAMA GOZA DO ULLA ESTE ANO FARÁ UN PERCORRIDO ENTRE AS PONTES DE CAXADE E DE PONTEVEA

23-08-2015
A andaina teense do programa Goza do Ulla este ano, que se fará o 27 de setembro, fará un percorrido entre as pontes de Caxade e de Pontevea, dúas das máis significativas do Concello. As persoas interesadas en participar xa se poden anotar entregando a ficha de inscrición no Departamento de Deportes coa data límite do 24 de setembro.

A PARROQUIA DE SANTA MARÍA DE ARZÚA RECIBE O CAXATO DE AVELINO POR MANTER VIVOS OS VALORES PROPIOS DA GALICIA RURAL

20-08-2015
O Salón de Plenos do Concello de Teo foi o lugar de reunión no mediodía deste martes daquelas persoas que quixeron lembrar a persoa de Avelino Pousa convocados pola Irmandade Avelino Pousa Antelo, a Irmandade Manuel María da Terra Chá e a Asociación Cultural Xermolos.

O CONCELLO DE TEO ACOLLE OS ACTOS DO III CABODANO DE AVELINO POUSA ANTELO E A ENTREGA DO CAXATO Á PARROQUIA DE SANTA MARÍA DE ARZÚA

18-08-2015
A Irmandade Avelino Pousa, a Irmandade Manuel María da Terra Chá e a Asociación Cultural Xermolos entregarán este xoves 20, no III cabodano da morte de Avelino o seu “Caxato” á Parroquia de Santa María de Arzúa. O salón de plenos do Concello de Teo será o lugar no que comezarán os actos de lembranza dende as 12:00 horas.

O CONCELLEIRO XURXO FRANCOS DESPIDEU ESTA MAÑÁ AO GRUPO DE NENOS E NENAS QUE PARTICIPAN NO CAMPEMENTO INFANTIL

17-08-2015
Esta mañá o entorno da Casa do Concello, na Ramallosa, parecía máis un patio de colexio no día de fin de curso. Numerosos pais e nais viñeron despedir ao grupo de nenos e nenas que asisten ao camemento infantil dende hoxe ata o 26 de agosto. O concelleiro Xurxo Francos tamén os acompañou e sumouse á foto de grupo.

REMATAN AS OBRAS DE INSTALACIÓN DE DÚAS MINI PISTAS, DE BÁSQUET E FÚTBOL SALA, EN MONTOUTO

14-08-2015
O Concello de Teo vén de rematar a instalación de dúas mini pistas de deporte en Montouto. Esta mañá o concelleiro de Servizos Básicos, Xurxo Francos, e o de Deportes, Jorge Carballido, visitaban a instalación que xa se pode usar a falta de pequenas cuestións como o limpeza das pistas que está previsto facer nesta xornada. Segundo explica Xurxo Francos “esta mesma semana remataron os traballos e retiráronse os valados de obra que impedían o acceso e xa se nota o interese que había por comezar a usala”.

OS CONCELLOS DE CORUÑA, SANTIAGO E ARZÚA PARTICIPAN NA HOMENAXE A ÁNXEL CASAL QUE SE REALIZA O 19 DE AGOSTO EN TEO

14-08-2015
O Concello de Teo última o deseño do acto de homanaxe a Ánxel Casal que se celebrará como cada ano o 19 de agosto ás 20:00 horas en Montouto. Este ano contará coa presenza dos alcaldes de Coruña, Xulio Ferreiro, de Santiago, Martiño Noriega, de Arzúa, José Luis García e de Teo, Rafael Sisto.

UNHA CUADRILLA DE OBRAS TRABALLOU DURANTE TRES MESES NA MELLORA DA ACCESIBILIDADE EN SAN SADURNIÑO

13-08-2015
Esta cuadrilla, formada por tres obreiros, remata nestes días a súa contratación temporal de tres meses, que foi financiada no seu 100% pola Deputación da Coruña e que desenvolveu obras de mellora de accesibilidade e da seguridade peonil nas beirarrúas de San Saudurniño.

O CONCELLO DE TEO RECIBE UNHA IMPORTANTE DOAZÓN DE IMAXES ANTIGAS DO PATRIMONIO ARQUEOLÓXICO MUNICIPAL

06-08-2015
Ángel Núñez Sobrino, profesor de filosofía, colaborador do museo de Pontevedra e tamén autor de varios artigos sobre arqueoloxía, mantén a custodia do importante arquivo e fondos bibliográficos e pictóricos da familia Núñez – Sobrino. Ángel Núñez Sobrino doou ao Concello de Teo 23 imaxes antigas de petróglifos e mámoas no termo municipal de Teo, algún deles xa desaparecido.