O CONCELLO ANULA A OBSERVACIÓN ASTRONÓMICA O 18 E PROGRÁMAA PARA O LUNS 20 DE XULLO

08-07-2015
O Concello de Teo e o observatorio astronómico da USC acordaron cancelar a observación astronómica prevista para este sábado 18 de xullo en Lampai. A nova data prevista para celebrala é o luns 20 se o ceo está despexado, xa que foi a nubosidade precisamente a que obrigou a cambiar a data. No caso de que o luns tampouco se dean as condicións óptimas quedaría para o sábado 25 de xullo. Dende a organización lamentamos as molestias. A actividade, dentro do programa TodoCosmos, é gratuíta.

O PLENO VOTARÁ AS ALEGACIÓNS PRESENTADAS AOS ACORDOS APROBADOS PARA A POSTA EN MARCHA DO SERVIZO MUNICIPAL DA AUGA

03-07-2015
A corporación teense reúnese este luns 6 de xullo en sesión extraordinaria. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa.

O ALCALDE DE TEO LAMENTA A TARDANZA DOS MEDIOS AÉREOS NAS TAREFAS DE EXTINCIÓN DO LUME FORESTAL EN CALO

30-06-2015
O incendio forestal rexistrado na parroquia de Calo onte quedaba oficialmente controlado ás 21:44 horas, segundo o protocolo de Medio Rural. Despois de horas de moito risco e incertidume para unha zona con moitas vivendas desactivábase a Situación 2, declarada cando o lume pode afectar á poboación e a bens non forestais e require a adopción inmediata de medidas de protección e socorro. O alcalde de Teo, Rafael Sisto, lamenta "a tardanza dos medios aéreos para colaborar na extinción, chegou antes a Conselleira que os helicópteros".

MÚSICA NOS TILOS PECHA ESTE VENRES CO CONCERTO DA BANDA OH TRÍO

24-06-2015
O venres 24 remata o ciclo Música nos Tilos coa actuación de Oh Trío . Trátase dun grupo de jazz tradicional formado por Antonio Bravo á guitarra, Germán Díaz na zanfona, caixa de música e serrucho musical e Diego Martín na batería. Integrantes que xa se coñecían e colaboraban en diversas formacións desde había anos pero que no 2008 decidiron reunirse como grupo. Desde entón realizaron xiras por multitude de países e os seus traballos discográficos foron premiados en varias ocasións por revistas de calado internacional.

O CONCELLO ORGANIZA UNHA SAÍDA PARA RECOLLER HERBAS DE SAN XOÁN NA TARDE DO 23 DE XUÑO

19-06-2015
A concellaría de Participación Veciñal, dirixida por Ignacio Iglesias, organiza para a tarde do martes 23 de xuño unha saída para recoller herbas de San Xoán. Todas as persoas que queiran participar desta tradición e saber algo máis da súa orixe para cumprir cun dos rituais da noite de San Xoán poden animarse xa que non é preciso anotarse.

O CLUB MOTOCICLISTA TEO ORGANIZA UNHA DAS PROBAS DO CAMPIONATO DE ESPAÑA DE TRIAL EN LAMPAI

19-06-2015
O Club Motociclista Teo organiza unha das probas do Campionato de España de Trial en Lampai este domingo 21 de xuño. Neste mesma xornada tamén se realizarán as probas do Campionato Galego. O Concello de Teo colabora con esta iniciativa. Está previsto que o 21 se dean cita en Lampai máis de oitenta pilotos para disputar esta competición.


RAFA SISTO E UXÍA LEMUS PRESENTAN O ACORDO DE GOBERNABILIDADE PARA TEO CUN PROGRAMA DE CORTE SOCIAL E PROGRESISTA

17-06-2015
O alcalde de Teo, Rafa Sisto (Son de Teo-Anova) , e a concelleira do PSdeG-PSOE presentaron esta mañá en rolda prensa o acordo de gobernabilidade para o Concello de Teo para os próximos catro anos. Un acordo para un goberno progresista cun programa de corte social que responde ás necesidades básicas e fundamentais da sociedade, segundo explicaron.

CONVÓCASE O PLENO ORGANIZATIVO EN TEO NO QUE SE DESEÑA O GOBERNO PARA ESTES CATRO ANOS

17-06-2015
A corporación teense reúnese este xoves 18 de xuño ás 20:00 horas para celebrar a sesión extraordinaria organizativa. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa. A sesión tamén se retransmitirá por streaming a través da web municipal, premendo no banner En directo , na marxe dereita da portada.