PRESÉNTASE O DISCO 'ALÓ ONDE AGROMAN AS HERBAS', DE SOFÍA ESPIÑEIRA

14-06-2016
A cantautora Sofía Espiñeira presentou na Casa Común dos Tilos o seu disco ‘Aló onde agroman as herbas’, como gañadora da segunda edición do Certame de Canción de Autor en Galego ‘Concello de Teo’. Estivo acompañada polo secretario xeral de Política Lingüística da Xunta, Valentín García; a concelleira de Cultura de Teo, Pilar Faxil; e o director artístico do certame, Xoán Curiel.

AS SOLICITUDES PARA A REALIZACIÓN DAS CACHARELAS DE SAN XOÁN PÓDENSE PRESENTAR ATA O 22 DE XUÑO

13-06-2016
o comezo do mes de xuño abriuse no Concello de Teo o prazo para comunicar a realización das cacharelas de San Xoán. As persoas ou colectivos que teñan previsto facer unha cacharela coincidindo coa celebración do San Xoán deben entregar a solicitude no Rexistro Xeral do Concello. O prazo para presentar o impreso remata o 22 de xuño pola mañá.

RENÓVASE O REVESTIMENTO DA PISCINA DE LUOU, QUE ABRE O VINDEIRO SÁBADO

13-06-2016
O Concello ultima hoxe as obras de renovación do revestimento da piscina de Luou, previas á apertura das instalacións desde o vindeiro sábado, 18 de xuño. O alcalde de Teo, Rafa Sisto, afirma que “é unha iniciativa acometida con fondos municipais, supón un paso máis na posta ao día deste espazo e permite unha maior seguridade na súa utilización”.

O MERCADO DO ALIMENTO LABREGO CELEBRA ESTE SÁBADO O SEU CUARTO ANIVERSARIO

09-06-2016
O Mercado do Alimento Labrego celebra este sábado 11 de xuño o seu cuarto aniversario cunha programación especial. A Praza dos Tilos na que cada semana se celebra esta cita acollerá actividades infantís e unha actuación da Banda de Música de Teo. Ademais dos postos habituais, estarán varios máis convidados ´con alimentación doutras comarcas e artigos de artesanía, máis instalarase unha cantina que ofrecerá elaboracións do propio mercado a prezos simbólicos.


O DIVERTEO CONVÓCASE PARA O MES DE AGOSTO POR PRIMEIRA VEZ

08-06-2016
Por primeira vez para un mes de agosto, o Concello convoca o seu programa de conciliación laboral e familiar DiverTeo. Desenvolverase en dúas quendas, do 1 ao 12 de agosto e do 16 ao 31 de agosto, nas instalacións do CEIP da Ramallosa. Os participantes que accedan a este servizo tiveron que ter un mes sen asistir a DiverTeo durante o curso 2015/2016.


INTENSIFÍCASE O PLAN DE DESBROCES DA REDE VIARIA MUNICIPAL

06-06-2016
O plan de desbroces da rede viaria municipal intensifícase neste mes de xuño. Os equipos xa iniciaron as tarefas desde finais de abril, e é a partir de agora cando o ritmo de traballo se incrementa. Tal como explica o concelleiro de Servizos Básicos, Xurxo Francos, este é un dos momentos máis idóneos para a limpeza de gabias porque “no verán, como no inverno, o crecemento da herba estáncase polas condicións meteorolóxicas e así mantense a gabia despexada durante máis tempo”. Pola contra, na primavera o corte da maleza contribúe a un maior crecemento posterior.

OS ESPECTÁCULOS DE LEILÍA E O GRUPO CHÉVERE PECHAN ESTE DOMINGO O PRIMEIRO FESTEO

03-06-2016
As voces e as pandeiretas do grupo Leilía, máis unha actuación teatral do Grupo Chévere, serán as encargadas de poñerlle o punto final á primeira edición de Festeo, a xornada lúdica e participativa que o Concello de Teo programou para este domingo 5 de xuño na Carballeira de Francos, con asistencia libre e de balde, tanto para os veciños e veciñas como para persoas de fóra de Teo.