O Concello acolle o programa da USC "Camiños de coñecemento e experiencia"

01-10-2018
biblioteca

A Biblioteca Pública do Grilo, en Cacheiras, acollerá en outubro catro clases do programa ‘Camiños de coñecemento e experiencia’, da Universidade de Santiago de Compostela. Esta iniciativa ofrece formación para persoas maiores de 50 anos.

A primeira clase será o 4 de outubro e versará sobre o papel da familia na educación, o 11 de outubro desenvolverase un obradoiro de estilos educativos parentais e o 18 de outubro a clase levará por título Invitación a un concerto (teoría)

Todas estas sesións son de 16:30 a 18.00 horas. As dúas seguintes mudan o horario e van de 10:30 a 12:00 horas: o 25 de outubro unha clase teórica de medio ambiente e o 26 de outubro unha visita ao Punto Limpo de Teo.

As persoas que desexen máis información ou matricularse poden chamar ao 981 815 700 ou acudir ao Departamento de Cultura e Educación no Auditorio Constante Liste na Ramallosa, á Biblioteca Pública do Grilo ou á Biblioteca Pública dos Tilos.