Este curso a Xunta de Galicia implantou o programa de fondo solidario de libros de texto para 3º e 5º de Educación Primaria. Iso provoca que o alumnado que recibiu axudas para este curso está obrigado a depositar no propio centro os libros adquiridos mediante esta axuda, o que obriga aos colexios a crear un Banco de libros. A Xunta convoca axudas para a adquisición de libros nos cursos 4º e 6º de Primaria, o que condiciona que eses libros quedarán, unha vez rematado o curso, en poder dos centros.

Rafael Sisto é xa o novo acalde de Teo. Esta mañá recibía o bastón de mando do Concello de mans de Martiño Noriega nun dos momentos máis emotivos da sesión. O candidato de Son de Teo-Anova obtivo na votación a maioría absoluta cos votos favorables dos/as sete concelleiros/as do seu grupo e dos dous edís do PSdeG-PSOE, a quen agradeceu expresamente pola confianza e o seu apoio.

A nova corporación de Teo, elixida nas eleccións municipais do 24 de maio, reúnese este sábado 13 de xuño para a súa constitución e elección de alcalde. A sesión está convocada para as 10:00 horas e na mesma o alcalde saínte, Martiño Noriega, entregaralle o bastón de mando ao novo alcalde de Teo.

Este mércores 10 e xoves 11 organízanse as I Xornadas de deporte na rúa dende a piscina municipal climatizada da Ramallosa. Terán inchables acuátidos (con inscrición previa), inchables terreistres e xogos cooperativos e tradicionais para nenos/as. Para adultos/as realizaranse clases abertas na Praza dos encontros de aero-combat, baile zumba, step, crossfit... Estas clases ao aire libre serán para calquera persoa sen inscrición previa.

A programación cultural do mes de maio volve ter como protagonista a música con dúas citas xa consolidadas. Dende o Concello organízase o ciclo de concertos Música nos Tilos que oferta actuacións na casa común dos Tilos os venres 5, 19 e 26 de xuño. Por outra banda o venres 12 e sábado 13 celébrase no campo de San Domingo en Calo o festival revival Galicia Woodstock que chega á sexte edición.

As piscinas municipais dos Tilos e Luou, que só funcionan na tempada de verán, abrirán o luns 15 de xuño e estarán abertas ata mediados de setembro. Como en anos anteriores a instalación dos Tilos terá horario de mañá e tarde, de 11:00 a 14:00 horas e de 16 a 21:00 horas todos os días mentras que a de Luou terá este mesmo horario os sábados, domingos e festivos e de luns a venres só abrirá pola tarde entre as 16:00 e as 21:00 horas.

A campaña de desbroces de gabias que se realiza todos os anos durante o verán comezou a mediados de abril e segundo indican dende Servizos Básicos avanza a bo ritmo. Nos últimos anos vense establecendo un calendario de limpeza nas parroquias polo que se actúa nas gabias nas semanas previas ás festas con máis tradición na zona.

A compañía compostelá Tagatutanga Teatro estrea na Ramallosa este hoxe venres 11 de decembro, o seu novo espectáculo "Que Deus nos colla confesados. Cabaré Bíblico". A actuación será no Centro Sociocultural da Ramallosa ás 20:30 horas e a entrada é de balde.

O Concello convoca o proceso selectivo para cubrir tres postos para o servizo municipal Augas de Teo. Cubriranse polo sistema de concurso-oposición os seguintes postos de traballo: un/ha xefe/a de instalacións e redes, un/ha operario/a de redes e un/ha oficial electromecánica. As persoas que accedan serán persoal laboral e terán un contrato de interinidade. As bases completas da convocatoria pódense consultar premendo aquí

A organización Acción contra el Hambre, en colaboración co Concello de Teo, busca un/ha técnico/a de inclusión sociolaboral para Teo. O posto cos seus obxectivos e requisitos pódese consultar premendo aquí . O proceso de selección e a relación laboral establecerase con Acción contra el Hambre polo que as persoas interesadas teñen que cubrir o formulario on-line na seguinte dirección: https://employ.acf-e.org/