XORNADA DE PORTAS ABERTAS NA EDAR DE CALO O VINDEIRO DOMINGO

28-09-2016
O Concello organiza unha xornada de portas abertas na Estación Depuradora de Augas Residuais (EDAR) de Calo, en Cabanas, o vindeiro domingo, 2 de outubro. As visitas efectuaranse entre as 12:00 e as 13:30 horas e as persoas que se acheguen poderán coñecer o funcionamento desta instalación máis os problemas aos que se enfronta por culpa dun uso inadecuado do servizo de saneamento.

A NOVA ÁREA DE XOGOS DE AUGAS MANSAS XA ESTÁ EN SERVIZO

28-09-2016
Hoxe entra en servizo a nova área de xogos de Augas Mansas. A nova infraestrutura lúdica está integrada por un parque infantil e unha pista deportiva, cunha zona verde contigua. O investimento na obra foi de case 52.500 euros, incluído o IVE. O Concello achegou o 40 % do diñeiro e a contía restante procede dunha convocatoria autonómica financiada con fondos Feader.


MATRÍCULA ABERTA NA AULA DE INFORMÁTICA PARA AS ACTIVIDADES DE OUTONO

26-09-2016
A Aula de Informática de Teo abre desde hoxe luns o prazo de inscrición para as súas actividades de outono. As persoas interesadas poden anotarse en cada unha das propostas ata tres días laborais antes do comezo, cubrindo a ficha de inscrición dispoñible na páxina web do Concello, na propia aula, na Mediateca ou na Casa do Concello. As solicitudes débense presentar no Rexistro Xeral.

O CONCELLO REALIZA OBRAS DE MELLORA DE CAMIÑOS EN TRASELLAS E NA HERMIDA CUNHA SUBVENCIÓN DO FEADER

25-09-2016
O Concello de Teo vén de realizar as obras de afirmado e acondicionamento do viario municipal en A Hermida e Trasellas, dentro do programa de mellora de acceso a explotacións agrarias PDR de Galicia 2014-2020, na convocatoria 2016, financiado polo Fondo europeo agrícola de desenvolvemento rural (FEADER).

ABERTO ATA O 6 DE OUTUBRO O PRAZO PARA INSCRIBIRSE NA XIX LIGA DE FÚTBOL SALA

23-09-2016
O Departamento de Deportes municipal ten aberto ata o xoves 6 de outubro o prazo de inscrición de equipos para a súa XIX Liga de Fútbol Sala. As solicitudes débense presentar no Rexistro de Entrada do Concello. O documento debe incorporar o nome de equipo, a persoa responsable, datos de contacto e a relación de xogadores.

MAÑÁ ARRANCA NO CONCELLO "LIBRETEO", UN EVENTO DEDICADO AO SOFTWARE LIBRE

20-09-2016
Mañá arranca no Concello de Teo “LibreTeo”, unha actividade organizada por AGASOL, en colaboración cos Departamentos de Promoción Económica e Mocidade do Concello de Teo e Boa Idea, coa que se quere “promover en Teo “unha comunidade tecnolóxica, non só para profesionais”, segundo Conchi García, concelleira de Promoción Económica.

MÁIS EFICIENCIA ENERXÉTICA NOS PAVILLÓNS DOS TILOS E DA RAMALLOSA E NO CENTRO SOCIOCULTURAL

20-09-2016
O Concello de Teo efectúa durante este mes a instalación de novos equipamentos de eficiencia enerxética nos pavillóns polideportivos dos Tilos e da Ramallosa e no Centro Sociocultural da Ramallosa. O investimento permitirá un aforro do 73 % da cantidade de enerxía consumida nestas infraestruturas, o que se traduce nun aforro anual de 9.500 euros.