O sábado 18 de setembro, o Concello de Teo terá a súa primeira Festa de Apego. O Servizo de Normalización Lingüística, que xestiona o programa Apego, programou unha xornada de xuntanza, actividades e lecer para as crianzas e as súas familias que forman parte deste proxecto de socialización en lingua galega.

Turismo de Teo publica a oferta lúdica no labirinto de millo para o mes de setembro no que destacan os xogos de "escape room" que serán para público familiar e tamén haberá sesións só para persoas adultas. A inscrición nestas actividades xa está aberta e hai que facela a través do formulario en liña que odes atopar premendo aquí

O alcalde, Rafael Sisto, convocou onte a Xunta de portavoces, na que teñen presenza todas as forzas políticas de Teo con representación no pleno para falar da  tramitación dun parque eólico no entorno do Monte Piquiño. Nos últimos días o rexedor atendeu unha solicitude de reunión dunha empresa, Capital Energy, que o informou de que estaban tramitando a instalación de aeroxeneradores nesta zona. 

O Centro de Información á Muller (CIM) programa para este mes de setembro un taller asistido con cans para o fomento da autoestima nas mulleres do Concello de Teo. Unha iniciativa novidosa que dentro dos obxectivos que pretende acadar están o de promover o respecto, coidado e manexo dos animais, así como fomentar a autoestima e o apoderamento das mulleres.

O Departamento de Benestar abre a inscrición nos programas de conciliación que se ofertan nos colexios: o servizo Teo madruga e o Teo coida que atende polas tardes.

O alcalde de Teo, Rafael Sisto, comprométese a levar ao pleno do Concello a problemática da canteira da Casalonga.