O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.

O informateo de febreiro informa do novo contrado de cambio de luminarias

| compartir:

O Concello vén de editar o número de febreiro do Informateo, a publicación gratuíta municipal que se envía todos os meses aos domicilios. Neste número destácase a formalización do contrato de renovación do alumeado que se formalizou este mércores 31 de xaneiro e que permitirá a renovación de 6.189 lumiarias. Estes traballos, que se executarán nos próximos meses, permitirán acadar un aforro anual de máis de 300.000 euros na factura do alumeado. O contrato fíxose por un importe de 2.671.536 euros e financiarase a través dun préstamo do Instituto para a Diversificación e Aforro de Enerxía (IDAE).

No Informateo de febreiro tamén se informa das datas do entroido nas parroquias de Reis, Cacheiras, Teo e Bamonde que ocuparán case todas as fins de semana de febreiro cun importante ambiente festeiro.

Outro asunto destacado da publicación é o anuncio da próxima convocatoria por parte do Concello de seis vacantes de persoal: un ténico/a de recursos humanos; un bibliotecario/a; un técnico/a informático; un traballador/a social, un/ha tractorista e un/ha conserxe-enterrador. Está previsto que nas vindeiras semanas se publiquen no BOP e na web municipal as bases xerais e específicas destas convocatorias, nas que se dará conta dos requisitos e temarios concretos para cada unha das prazas.

Na publicación do Concello tamén podedes atopar a axenda mensual así como información sobre as demandas de melloras nos colexios, as actividades previstas para o día de Rosalía, información sobre as alegacións á delimitación de estradas propostas pola Xunta ou as normas para solictar casas comúns e carpas municipais.

Podes descargar aquí o informateo

cacheiras

Arquivos descargables

Attachment Size
InformaTeo_Febreiro2018_web.pdf 442.45 KB