As súas maxestades de Oriente visitarán Teo este domingo

Este domingo regresan a Teo as súas maxestades de Oriente. Chegarán á estación de tren de Osebe o día 5 ás 15,20 horas e despois farán un percorrido polos locais das distintas asociacións (Calo, A Pontevella, Os Tilos e Rosalía de Castro) e, xa pola tardiña, farase a recepción oficial no Pavillón Ezequiel Mosquera da Ramallosa.

Seguindo a estela do pasado ano, farase unha recepción silenciosa no Auditorio Constante Liste ás 16,00 horas, en colaboración coas asociacións BolboreTEA e Aspamite para as persoas con diversidade e problemas co ruído. Desta forma, todos os nenos e nenas poderán desfrutar da presenza dos Reis Magos no concello de Teo.