O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A corporación teense reúnese este mércores 26 de febreiro nunha sesión ordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.
Un dos puntos que se debaterán serán as mocións sobre o apoio ás mobilizacións do 8 de marzo.
A orde do día ten os seguintes puntos:
- Aprobación da acta da sesión de 29.01.2020.
- Dación de conta das resolucións da alcaldía (da 55/2020 á 182/2020).
- Dación de conta do informe do cumprimento dos prazos das operacións comerciais, 4º trimestre 2019.
- Ditame da proposta da alcaldía de corrección de erro material da desafectación de camiño público na Grela-Lampai.
- Ditame da moción do grupo municipal do BNG relativa ao 8 de marzo.
- Ditame da moción conxunta dos grupos municipais SondeTeo e PSdeG-PSOE sobre apoio ás mobilizacións en torno ao 8 de marzo.
- Mocións.
- Rogos e preguntas.
