O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.

Apego retoma a programación cun concerto de Cé Orquestra Pantasma

| compartir:

Fíos do Querer é un espectáculo de Cé Orquestra Pantasma Obradoiro para familias con crianzas de 0 a 6 anos. Este obradoiro musical ten como obxectivo aprender cantigas e está pensado para cantar, bailar e xogar en familia.

Acompañadas polas familias, as crianzas gozarán de cantigas de primeiras palabras, para abanear, para dar bicos, abrazos, facer palmas, o cabaliño…

Este espectáculo está dividido en dúas partes: unha primeira de música para xogar, cantar e bailar e unha segunda de exploración instrumental con axóuxeres e obxectos sonoros feitos a partir de materiais naturais.

O espectáculo-obradoiro realizarase no parque dos Tilos o sábado 26 de setembro ás 17 h.

As prazas están limitadas a 25 crianzas, acompañadas pola familia, é de balde con inscrición previa que pode realizarse a partir do 14 de setembro, por orde de entrada, enviando o nome completo das persoas asistentes e DNI (no caso de telo) ao enderezo-e politicalinguistica@teo.gal

O espectáculo cumprirá coas medidas sanitarias establecidas na data do evento e que se comunicarán ás familias a través do enderezo-e no que realicen a inscrición.

 

O proxecto Apego está destinado a familias con crianzas de ata 6 anos que están interesadas en socializarse en lingua galega e propoñer recursos para o uso da lingua galega co fin de crear vínculos coa familia, e para asentar o arraigo a esta terra, porque a lingua que mamamos, na que aprendemos a falar, vai ser a base da identidade futura do voso fillo ou da vosa filla.

Podes ter máis información en http://apego.gal ou no Facebook Apego.gal

Fíos do querer