O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A corporación teense reúnese este mércores 8 nunha sesión extraordinaria. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. Tamén se poderá ver por streaming a través da canle de youtube do Concello premendo aquí.
Os puntos máis destacados para o debate serán a proposta da alcaldía de aprobación da conta xeral e o plan económico financeiro (2019-2020) presentado tamén dende a alcaldía.
A orde do día ten os seguintes puntos:
- Dación de conta da composición das comisións informativas.
- Ditame da proposta da alcaldía de aprobación da conta xeral 2018.
- Ditame da proposta da alcaldía de acordo de non dispoñibilidade de créditos e aprobación de plan económico financeiro: 2019-2020.
- Ditame da proposta da alcaldía de aprobación inicial da modificación da ordenanza reguladora do prezo público pola realización de actividades culturais e deportivas.
- Ditame da proposta da alcaldía de modificación do regulamento de organización e funcionamento das escolas infantís municipais do Concello de Teo.
