O Concello convoca unha reunión en Calo sobre unha planta de reciclaxe na Casalonga

12-05-2018
toysal

Dende o Concello o equipo de goberno acordou convocar unha xuntanza informativa sobre o proxecto presentado pola empresa Toysal para instalar unha planta de reciclaxe de residuos na Casalonga. A asemblea será o martes 15 de maio ás 20:30 horas na Casa Común de Francos. 

A intención da compañía é instalar unha planta para procesar lodos de depuradoras e cetáreas, residuos animais e outros. Estaría situada na antiga canteira de Carballal, na Casalonga. 

No encontro, o grupo de goberno de Teo ofrecerá a información coa que conta deste proxecto e explicará as competencias municipais no relativo aos procedementos de tramitación das licenzas e permisos necesarios.