O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A corporación teense reúnese este mércores 25 de outubro en sesión ordinaria. O debate terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. A sesión tamén se retransmitirá por streaming a través da web municipal.
Na sesión votarase unha modificación da ordenanza do Imposto de vehículos de tracción mecánica que lle da cumprimento a unha acordo plenario do ano pasado impulsado polo BNG no que se propoñían bonificacións aos vehículos con motores máis eficientes e menos contaminantes.
A orde do día ten os seguintes puntos:
- Dar conta das resolucións da alcaldía (da 764/17 á 831/17).
- Dar conta do informe de intervención sobre o cumprimento de pago, 3º trimestre 2017.
- Dar conta do cumprimento do artigo 104 BIS da lei 7/1985, do 2 de abril, en relacióin co persoal eventual.
- Ditame da proposta da alcaldía do expediente de revisión de oficio do acordo plenario, do 29 de setembro de 2016, de aprobación definitiva de estudo de detalle: proposta de resolución e solicitude de ditame ao consello consultivo.
- Ditame da proposta da alcaldía de modificación da ordenanza fiscal reguladora do imposto sobre vehículos de tracción mecánica do Concello de Teo.
- Mocións.
- Rogos e preguntas.
